Kitabê “Tarîxê Dewleta Kurdan” ke weşanxaneyê Avesta ra vejîya, nuştoxo tarixnas Hezrecî hîkayeyê serûbûtanê serranê 1175-1257î keno. Nuştox bi xo dewrê Selaheddîn Eyûbî de cuyayo û zaf zanayîşê ke derheqê Dewleta Eyûbîyan de dayo, sey çimeyanê serekeyan ê.
Goreyê xebera Nûpel.Tv’yî kitabê “Tarîxê Dewleta Kurdan” ke weşanxaneyê Avesta ra vejîya, nuştoxo tarixnas Mihemed îbn Îbrahîmê Xezrecî hîkayeyê qewmîyayîşanê serranê 1175-1257î keno. Nuştox bi xo dewrê Selaheddîn Eyûbî de cuyayo û zaf zanayîşê ke derheqê Dewleta Eyûbîyan de dayo, sey çimeyanê serekeyan ê.
Çîke ey zanayîşê xo; hemdemê xo, wendekaranê xo û embazanê xo ra eşnawito û înan ra zî vînî û çimdarîyê xo xurt kerdê. Ey serre bi serre serûbûtanê ray ray nê desthîlatdarîyî bi herayî, ray ray zî bi kilmî rêz kerdê û înan yew bi yew beşê a serre de nîşan dabi.
Her çend ke kitab serê Dewleta Eyûbî ya Kurdan ser o bo zî, tede serê zaf serûbûtanê dormeyê Dewleta Eyûbîyan zî vinderto. Verî kitabê xo de ca dano Selaheddîn Eyubî, hikumdaranê Zengîyan û Nûredîn Zengî.Hîna zî hîkayeyê Dewleta Xwarezmîyan û têkilîyê înan ê rind û xirabî bi kurd û moxolan zî kitab de ca gênê.
Her wiha kitab de derheqê erdlerzanê cayan, nêweşî û webayanê cayan, qirankerdiş, volkan û berzbîyayîşê aweye royanê pîlan ê zey Nîlî û serê karanê komelî, awankerdiş, pîrozkerdiş, şahî û roşan de zî zanayîşî est ê.
No kitab bi taybetî semedê roşnîkerdişê tarîxê Dewleta Eyûbîyan û bi pêroyî zî serê tarîxê kurdan de yew çimeyanê tewr muhîman ra yo.
Tarîxê Dewleta Kurdan
Mihemed îbn Îbrahîmê Xezrecî
Erebkî ra: Emîn Narozî
ISBN: 978-625-5535-27-6
21.5×13.5 cm, 472 pelas
