Wekîla DEM Partî Gulîstan Kiliç Koçyîgît ard vîr kerd melayê Kurd, seba ke xutbe bi Kurdkî dayo, naye ser wezîfeyî ra ameyê girewtiş, Hetkarê Serekkomare Cevdet Yilmaz zî înkarê “Kurdkî reyde problemê ma çin o” kerd
Wekîlê DEM Partî Mehmet Kamaç Heyetê Pêroyî yê Meclîsî de nêrazîbîyayişê xo wezîfegirewtişê meleyê Kurdî nîşan da û vat ke Serekîya Karê Dîyanetî meleyê Kurd wezîfeyê ra gêno û peynî zî meleyê Kurd erzîyeno hepis.
Nêrazîbîyayişî ser o Serekwekîlê Koma AKP’î Abdulhamît soz girewt û rewşe red kerd. Verba nê vatişî Serekwekîla Koma DEM Partî Gulîstan Kiliç Koçyîgît zî soz girewt û vat ke meleyê DÎAYDER’î seba ke xutbe Kurdkî wanenê naye ser wezîfeyî ra yenê girewtiş û erzîyenê hepis û vat ke mele Alî Boşnak Hepisxaneyê Agirî de şî heqîya xo. Sucê ey tena bi Kurdkî wendişê mewludî bî.
Peynîya qiseyan Hetkarê Serekkomare Cevdet Yilmaz soz girewt vat ke: “Ma wazenê wa Surîye de heme şarî temsîlîyetê xo awan bikê, qetîye Kurdan û ziwanê Kurdkî reyde problemê ma çin o. Yanî meseleya ma Kurdkî reyde çin o.”
Çend rey mîkrofon girewt
La Wekîla DEM Partî Berîtan Guneş Meclîs de waşt Kurdkî qisey bikera la çend rey mîkrofonê aye hetê AKPij Bekîr Bozdagî ra ame girewtiş.
