Heyva Sor a Kurde ya Rojavanî seba hetkarîya însanîye ya Rojavanî Heyva Sor a Kurdistanî rê sipas kerd û vat ke hetkarî û piştîdayîşî dejanê koçberan sivik kenê.
Çarçeweya sefereberîya neteweyî ya seba Rojavanî de hetkarîya însanîye û piştîdayîşê neteweyî zî xurt benê. Heyva Sor a Kurde ya Rojavanî hesabê xo yê medyaya dîjîtale de mesajêko bivîdeo vila kerd û sipasê heme kurdîstanijan kerd û vengdayîşê girskerdişê piştîdayîşî kerd.
Mesajê Heyva Sor a Kurde wina yo: “Nê rewşanê însanîyan ê felaketî û lezabez ê Rojavanî de, Heyva Sor a Kurde seba cewabê înan ê rewî yê temînkerdişê hetkarîya însanîye ya koçberanê Rojavanî sipasê xo yê xorînan pêşkêşê Heyva Sor a Kurdistanî kena. No piştîdayîşo bêmabên piştîpêdayîşê însanîye û berpirsîyarîya hemparîye ya vera dejanê sîvîlan mojneno. Na hetkarîye rasterast dej û tesîrê nêgatîfê ke koçberan ser o y, sivik kenê.”
