Heyetê Îmraliyî yê DEM Partîye heqê pêvînayişê peynî yê bi Abdullah Ocalan rê va: “Na seba her kesî, seba ma hemeyan cuyeya azade û yewîye awan kena.”
Wekîlê DEM Partîye Pervîn Buldan û Sirri Sureyya Onder vizêr Hepisxaneyê Tîpa F’î yê bi Ewleyîya Berzî ya Îmraliyî de, bi Rayberê PKK’î Abdullah Ocalan rê pêvînayiş kerdê. Pêvînayiş 4 saetî dewam kerd. Heyetê Îmraliyî yê DEM Partîye heqê pêvînayişî de beyanato nuştekî weşan kerd.
Beyanatê Heyetê Îmraliyî yê DEM Partîye ya heqê pêvînayişê peynî wina yo:
“Sey Heyetê Îmraliyî yê DEM Partîye ma 22ê Çeleyê 2025î de Girawa Îmraliyî de bi Birêz Abdullah Ocalan rê pêvînayişêk pê ard. Kombîyayiş de, Birêz Ocalan serweşîyê malbatê ke merdimê înan şewata dejî ya Bolûyî de cuya xo dayê waşt û birîndaran rê zî şîfaya xêrî waşt.
Heyetê ma heqê pêvînayişê ma de ke ma aver benê malûmatê muhîmî dayê Birêz Ocalan. Xebatê Birêz Ocalan ê ser pêvajoya dewam kenê, peynî ke amedekarîyê derheqê na babete de bi peynî bibê, beyanetê muhîm do raya pêroyî rê bêrê resnayiş. Ma sey heyet, ma do xebat û têkilîyê xo bidomnê û her ke geşedan pê bêrê ma do raya pêroyî xeberdar bikê.
Na pêvajo seba her kesî, seba ma hemeyan cuyeya azade û pîya awan kena. Bi hêvîya ke no armanc pê bêro, ma heme beşanê komelî hembarîya înan ê erjîya, hêvî kenê.”
