Şaristanê Xoste yê Efxanîstanî de encamê hêrişê hewayî yê artêşê Pakîstanî de tewr kêm 9 gedeyî û cinîyêk cuya xo vîndî kerd.
Rayberîya Talîbanî eşkera kerd ke hêriş qezaya Gurbuzî ya Xoste nêmeyê şewe eşt keyeyêkê welatijê sîvîlî ser o.
Verfekê Talîbanê Zebîhulah Mucahîd dîyar kerd ke hêriş goreyê demê herême saete 00:00î de ameyo kerdene û keyeyo ke bîyo amancê hêrişî, bi temamî wêran bîyo.
Hêrişî de keyeyê welatijê sîvîl ê bi nameyê Wîlayet Xan bîyo amanc û 5 kur, 4 kênekî û cinîyêk cuya xo vîndî kerd.
Eyn eşkerayî de ame parekerdene ke Pakîstanî şaristananê Kunar û Paktîkayî de zî operasyonê hemkarî kerdê û ê herêman de 4 sîvîlî birîndar bîyê.
Goreyê ajansanê mîyanneteweyî artêşê Pakîstanî û rayedarê karanê teberî derheqê hêrişî de tu eşkerayîyêka fermî nêdaya.
