Verê serrgêra Komployê 15ê sibate bi waştişê Rayberê PKK’yî Abdullah Ocalanî rê Azadîye û meseleya kurdan rê çareserîya sîyasîye Heilbironî ra ver bi Strasbourgî Rayîrşîyayîşo Derg dest pêkerd.
Verê serrgêra Komployê 15ê sibate bi waştişê Rayberê PKK’yî Abdullah Ocalanî rê Azadîye û meseleyê kurdan rê çareserîya sîyasîye, bajarê Heilbironî yê Almanya ra ver bi bajarê Strasbourgî yê Fransa hetê ciwananê kurdan û enternasyonalîstan ra Rayraşîyayîşo Derg dest pêkerd.
Çalakîkerî ke ewro merkezê Heilbronî de ameyî têhet badê eşkerayîya çapemenîye dest bi rayîrşîyayîşî kerd. Rayîrşîyayîşî de do derheqê tecrîdê Rayberê PKK’yî Abdullah Ocalanî de beyanat bêro dayene û azadîya ey bêra waştene.
Programê rayîrşîyayîşî wina yo: 11ê sibate Ludwigsburg, 12ê sibate Stuttartg, 13ê sibate Offenburg, 14ê sibate Freiburg û 15ê sibate Strasbourg.
Wextê rayîrşîyayîşî de bajaranê cîya-cîyayan de do aktîvîteyê wendişî, programê munaqeşeyî û semînerî bêrê kerdene.
Rayîrşîyayîşê azadîye yo verên ê kurdan Ewropa de raya verêne gulana 1984î de dest pêkerd. Kurdanê ke bajaranê Hanau û Hannverî yê Almanya ra ver bi Bonnî rayîrşîyayîş kerd, verba polîtîkayanê şerî yê dewleta tirke yê vera Kurdîstanî vengê xo berz kerdbi.
