Girewteyo nêweş Siddik Guler ke rewşa ey giran a, rixmê qerarê dozgerî zî sewqê ATK’yî nêyeno kerdene.
Siddik Gulero 85 serre Hepisxaneyê Tipê T ê Îskenderûnî de yeno girewtene û girewteyanê nêweşan ra yew o. Gulero ke nêweşîyê ey giran ê, rixmê qerarê Serdozagerîye ya Komare ya Îskenderûnî zî sewqê Sazgeha Tîpê Edlî (ATK) nêyeno kerdene. Dozger seba Guler o ke nêweşîyê ey ê sey alzheimer, qelb, hîpertansîyon, romatîzma û ûsn. est ê, sewqê ATK’yî bêro kerdene, 21ê gulane de hepisxaneyî rê nuşteyêk nuşt. Dozgerî waşt ke Guler bêyî ke astengîyêk virazîyo ganî mîyanê 3 rojan de sewqê ATK’yî bêro kerdene. Rayberîya Hepisxaneyî zî seba Gulerî berê ATK’yî cendirmeyan rê agahî erşawite. Labelê ser o ra 25 rojî vîyartî zî Guler sewqê ATK’yî nêame kerdene.
‘Heqê cuye yeno binpaykerdene’
Parlamentera DEM Partî ya Şirnexî Newroz Uysal Aslan babet kerde rojeva Meclîsî. Pêşnûmepersî de ke ame waltene ke Wezîrê Karanê Zereyî Alî Yerlîkaya cewab bido, ame vatene ke heqê cuye û weşîye yê Gulerî ameyê binpaykerdene û mae vatene ke kerdişê vera Gulerî “bi qestî” yê.
Reyna sebebê sewqnêkerdişê Gulerî yê nêweşxaneyî ame persayene û Yerlîkaya ra ame persayene ke haya ey rewşe ra est a yan nê. Tewr peyên zî persê “Gelo derheqê cendirmeyan de ke Gulerî sewq nêkerdo, cipersayîşêk ameyo destpêkerdene yan nê?” ame kerdene.
