Şaristananê Ewropayî ra heta Amerîkaya Başûr û Vakur ciwanê etnernasyonalîstî hêrişê serê Rojava şermezar kerdê û serrgêra serkewtişê Kobanî ya 11. pîroz kerd.
Xeylê welatanê Ewropa û Amerîkaya Başûr û Vakur seba serrgêra serkewtişê Kobanî ya 11. çeteyanê DAIŞ’î bi çalakîyan pîroz kerd û hêrişê vera Rojava şermazer kerd.
Fotograf û dîmenê tewir tewir û çalakî xeylê welatanê Ewropa û Amerîkaya Başûr û Vakur ê ciwananê kurd û dostanê xo, seba paştîdayîşê şarê Rojava vejîyayê waran. Çalakîyan de serrgêra serkewtişê Kobanî yê vera çeteyanê DAIŞ’î ame pîroz kerdene. Sewbîna çalakîyan de ame dîyarkerdene ke ciwanê enternasyonalîstî dorê Kobanî ke bîya sembolê cuya azade ê paştîdayena mîyanneteweyî kenê.
Berlîn ra Heta Bogotayî, Lubecke heta Malagayî, ciwanan xeylê şaristanan de selamê paştîdayîşî şarê Rojava rê erşawitî. Nê dîmen û fotografî çalakîyan tesîrê Şorişê Rojava û qerardarîya ciwanan mojneno. Ciwan, bi vengdayîşe ke ganî Şorişê Rojava her ca de bêro pawitenê û mesajê yewîye û qerardarî dayê.
Berlîn de ciwanan Wezaretê Karanê Teberî yê Almanyayî îşxal kerd û hêrişê vera Rojava protesto kerdê û waşt ke vernîya hêrişan û dorpêçî bêra girewtene.
