Endama Fermandarîya Qerargehê Merkezî ya YJA Starî Emîne Ercîyes Mersîn de ameye vîrardene.
Endama Fermandarîya Qerargehê Merkezî ya YJA Starî Emîne Ercîyes (Nazli Taşpinar) 20ê nîsana 2020î de herêma Garê ya Herêma Federe ya Kurdîstanî de encamê hêrişê hewayî yê dewleta tirk de şehîd kewtbî. Seba Emîne Ercîyes Mersîn de programê vîrardişî ame kerdene. Program hetê aktîvîstanê Têgêrayîşê Cinîyanê Azadan (TJA) û Komela Yewî Kultur Piştgirî û Hetkarîya Keyeyanê ke Merdimê xo Derguşê Şaristanîye de Vîndî Kerdî (MEBYA-DER) ra ame kerdene. Parlamenterê DEM Partî ê Mersînî Alî Bozan, rayberê partî 3u temsîlkarê sazgewhan û gelekî kesî beşdarê programî bîyê. Programê vîrameyîşî bi deqîqeyêk rêzgirewtiş reyde dest pêkerd. Dima sînvîzyono ke seba Emîne Ercîyes amebi amadekerdene, ame mojnayene.
Dima zî Verfeka Meclîsê Dayîkanê Aştî yê Mersînî Emîne Eren qisey kerd û vat: “Emîne Ercîyes, Nureddîn Sofî û heme kesê ke têkoşînê azadîye de cuya xo vîndî kerda, ma înan anê xo vîr. Ma vanê ‘Şehîd Namirin.’ Seba têkoşînê aye ma vajê se kêm o. Ma se bikerê zî kêm o seba înan. Ganî ma vajê, ‘Gelo ma se bikerê ke bieşkê layiqê înan bibê.’ Lazim o ma şewe û roj mîyanê xebatan de bibê. Ma soz danê ke heta Rayberê ma azad bibo, heta koyê ma azad bibê, heta girewteyê ma azad bibê ma do têkoşînê xo bidomnê.”
Programê vîrardişî bi çepikan û sloganê “Şehîd Namirin” qedîya.
