No wisar raya ma Kargapazar ra derbaz bîye û ma dî ke qijikanê sîyayan na dewe de rind ca dayo xo. Wisar ameyo, sey teyr û tûranê bînan qijikî zî halînanê xo newe kenê û hazirîya zêdekerdişê cinsê xo kenê.
Kargapazar yew dewa Kanîreşê ya Çewligî ya û dewe de zaf gird a û rind a. No wisar raya ma Kargapazarî ra derbaz bîye û ma dî ke qijikanê (qiriqanê) sîyayan na dewe de rind ca dayo xo. Wisar ameyo, sey teyr û tûranê bînan qijikî zî halînanê xo newe kenê û hazirîya zêdekerdişê cinsê xo kenê. Merdim qaytê serê kamcî dare keno bi desan halînanê qijikanê sîyayan vîneno. Bi kebelerze yenê na hete şonê a hete.
Nameyê dewe bi tirkî “Kargapazari” yo. Yeno maneyê “Bazarê qijikan.” Mordem şaş maneno û xo bi xo vano “Gelo na dewe de qijikî zaf ê aye ra nameyê na dewe Kargapazarî bîyo.
‘Kargapazar nîyo Qirxbazar o’
Ma yew di dewijan ra pers kerd va “Çira nameyê na dewa şima Kargapazarî yo? Gelo qijikî tede zaf ê aye ra?” Dewijan zî rind nêzanayêne çira Kargapazar yeno vatene. Yew dewijî zî vat ke “Esasê xo Kargapazar nîyo, Qirxbazar o. Wextê verî de na dewe zaf gird û dewlemende bîya. Mîyanê rojê de tede 40 bazar ronîyayo. Aye ra ci ra vato Qirxbazar.”
Mordemo ke ma rê qisey kerd emrê xo 65 est o. Vat ke: “Domantîya ma de gencîya ma de Qijikî nîya zêde çin bî. Nê seranê pêyênan de qijikî nîya bîyê zêde. Heral ê zî vanê ‘Madem nameyê ma dayo na dewe, o wext na dewe yê ma ya.’ Nika dewa ma bîya dewa qijikan şîya.”
