Tezayîya şehîdê têkoşînê azadîye yê kurdan Piling Elî Varto (Mustafa Aksoy) ke Kanîreşê Çewlîgî de ameye ronayene, bi girseyî ameyî zîyaretkerdene.
Dewa Şemanî ya qezaya Kanîreşî ya Çewlîgî de seba Piling Elî Varto (Mustafa Aksoy) yo ke têkoşînê azadîye yê kurdan şehîd bi, tezayî ameye ronayene.
Wekîlê DEM Partî yê Çewlîgî Omer Faruk Hulaku, Wekîla DEM Partî ya ya Dêrsimî Ayten Kordu, rêxistinê DBP û DEMî, îdarekarê MEBYA-DERî û xeylê kesan tezayî zîyaret kerd.
Wekîla DEM Partî ya Dêrsimî Ayten Kordu ke tezayî de qisey kerd, veng da ke wa şer û şîdet hinî biqedîyê. Ayten Kordu vat, “Ma têkoşîn kenê ke wa hinî qet dayîkêke dejê ewladê/a xo mevîno. Qet berêk bi xebera cenaza mecino. Wa hinî cinîyî bedelê şer û şîdetê medê, bibê aktorê haştîye û cuye. Ma do seba ameyoxê azad û seypêyî têkoşînî rê dewam bikerê.
Hetê bînî ra dîya zanayene ke Siba do Çêrme de seba Azîme Delîl (Yasemin Goze) ya ke têkoşînê azadîye yê kurdan de şehîd bîye, tezayî bêro ronayene.
