Serekê MHP’yî Devlet Bahçelî qiseykerdişê xo yê grûba partîya xo de derheqê şîyayîşê Îmraliyî de qisey kerd û wina vat: “Eke seba şîyayîşê Îmraliyî xo giran bikerê, ez do hîrê embazanê xo bîgîra xo het û şêra Îmrali.”
Serekê MHP’yî Devlet Bahçelî kombîyayîşê meclîsî yê partîya xo de derheqê kar û xebatanê komîsyonê meclîsî de qisey kerd û bale ant şîyayîşê Îmraliyî ser o. Bahçelîyî dîyar kerd ke ganî komîsyon de bilez seba şîyayîşê Îmraliyî heyetêk bêro awankerdene û pêvînayîş bêro kerdene. Devlet Bahçelîyî seba ereyvistişê şîyayîşê Îmraliyî ecizîya xo îfade kerd û wina vat: “Ganî tîya ra pey seba şîyayîşê Îmraliyî heyetêk bêro awankerdene. Ganî derheqê şîyayîşê Îmraliyî de munaqeşeyî biqedîyê. Manaya xogirankerdişî çin a. Eke kes xo nêzdîyê nê zîyaretî nêkero, ez hîrê hebî embazanê xo gêna xo het û şona. Ez maseyêk ser o rî bi rî ameyîşî ra xo nêkena.”
