Serekê Pêroyî yê MHP’yî Devlet Bahçelî prosesî ser o erjnayîş kerd û vat ke ganî şertê tewrbîyayîşî Abdullah Ocalanî bêrê ca ke rolê xo bieşko kaybikero.
Serekê Pêroyî yê MHP’yîDevlet Bahçelî, derheqê prosesê Aştî û Komelê Demokratikî ser erjnayîş kerd. Bahçelî Rayberê Şarê Kurdî Abdullah Ocalan sey “Raybero ronayox” pênasekerd û vat ganî şertê tewrbîyayîşê Abdullah Ocalanî bêrê ca ke bieşko rolê xo kaybikero.
Qanûnê çarçewa
Bahçelî rojnameyê Turkgunî rê qanûnê çarcewa ser o qisey kerd û wina vat: “Raporê ‘Xurtkerdişê paştîdayîşê neteweyî û yewbîyayîşê komelî’ biaqilê ko hempar û hemparîyêka tewr taye ser konsensus virazîya. Raya nê nêzdîbîyayiş û raporî ser şinê û no qanûno ke vejîyo, na gama verêne ke vervînayişê rastkerdena gamanê huqûqî yê bînan ê bingeyîna.
Amancê nê qanûnî qerarê Komîteya Ewleyîya Netewî (MGK) ke rojnameyê fermî de ameyê weşanayene ra dima, cigêrayiş, teqîbat û hukmê ke ameyê dayene taloqkerdena înfazê înan û no derheq de rastkerdena karanê fermîyan a.
Qerarê MHME’yî
Heto bîn ra no qanûno ke ameyo qebulkerdene merheleya peyêne nîya, hetê îdarî û qanûnî de hewcedarî bi gamanê neweyan est a. No cîhet de caardişê qeraranê Mahkemeya Heqanê Merdiman a Ewropa (MHME) zî tede, meseleyê ke yenê munaqeşekerdene verê çiman ra bêrê derbazkerdene û xebata tesîskerdişê edeletî bêro xurtkerdene.”
