Partîya DBP’î seba yewîya kurdan beyanatêko nuşteyin da û beyanat de ame vatiş ke de ê sey partîya DBP’î pêvînayişî ke vizêr Kurdistanê Başûrî de mîyanê qewetanê kurd pê ameyo, tewro muhîm û qedîrberz vînenê.
Partîya DBPî seba yewîya kurdan beyanatêko nuşteyin da û beyanat wina yo:
“Rojhîlatê Mîyanênî de na seserre de hemsengîya qewetê xorînî de bedilyayişê tarîxî pê yenê. Pêvajoyêka bi nê rengî pêrabesteyê Yewîyeya Netewî ya Kurd, warê bîyayiş û têkoşînê heqanê kurdan de wayîrê cayêkê tarîxî yo. Şarê Kurd ê ke her demê tarîxî de raştî polîtîkayê înkarî ameyê, ewro warê awankerdişê ameyox û pawitişê destkewteyê xo de îmkananê tarîxî cuyenê. Geşedanê ke ewro Rojhîlatê Mîyanênî de pê yenê, nîşan danê; wa şarê kurd qey yewîyeya xo awan biko û qewetê xo bi awayêkî hembaro gird biko.
Ser esasanê yewîyeya neteweyî, pêrabesteyê yewîneya kurdan verba gefanê ke netewî hedef gênê, lazimeya tarîxî ya. Na çarçiwe de ma sey partîya DBP’î pêvînayişî ke vizêr Kurdistanê Başûrî de mîyanê qewetanê kurd pê ameyo, tewro muhîm û qedîrberz vînenê. No warî de hêvîma wina ya ke; ser Yewîyeya Netewî ya qewetê kurd bi mabênê xo de lazimeyê weşî awan bikê û nê lazimeyan bi aver berê.
Tifaqê mabênê qewetê kurd de, do hem seba ewro hem zî seba awankerdişê ameyoxê kurdan bibo gamêka bingeyîn. Ma sey DBP do bi ruhê Yewîyeya Neteweyî vengdayişî û hewldayişê xo bidomnê.”
