DBP’î seba serrgêra 111. ya Qirkerdişê Armenî û Suryanîyan de mesajêk pare kerd û dîyar kerd ke vera komkiştişan rayîrê çareserî awankerdişê netewa demokratîk a.
Partîya Herêmanê Demokratîkan (DBP) seba 24ê nîsana 1915î ke sey destpêkê komkiştişê Armenîyan yeno qebûlkerdene, bi wesîleyê na roje eşkerayîyêka nuştekî pare kerde û qirkerdiş şermizar kerd. Mesajî de bi polîtîkayanê yewperest ê Îttîhat û Terakkî, tena Armenî ney, eynî wextî de şarê Asûrî-Suryan ê herêma Tur Abdînê de bi milyonan însan cuya xo ra bîyî û koç kerd.
‘Bê rîbirîameyîşî aştî awan nêbena’
Mesajî de girîngîya rîbirîameyîşî bi tarîxî ra ame dîyarkerdene û wina ame vatiş: “Heta rîbirîameyîşêk felaketê ke tesîrî înan heta ewro dewam kenê ra nêbo, awankerdişê bingehîn yê cuya hempare mumkîn nîya. Seba aşitîya komelî Anatolîya û Mezopotamyaye de, ganî edalet bêro caardene û cayê kîn û nefretî ra cuyêka pîya bêro esas girewtene.”
‘Çareserî netewa demokratîk a’
Dewamê mesajî de ame dîyarkerdene ke vera zîhnîyetê netew dewlete ya yewperest û nîjadpereste, çareserîya tewr xurt paradigmaya netewa demokratîk a. Ame dîyarkerdene ke na paradigma heme netew û bawerîyan ê Rojhelatê Mîyanênî bi nasnameya înan ê xoser resnena cuyêka seyyewbînî û azade.
Mesaj, bi vîrardişê qurbananê yê serrgêrra 111. de bi sloganê soza têkoşînê seba awankerdişê netewa demokratîk e ame dayene qedîya.
