Înîsîyatîfê Dayîkanê Aştî yê Stenbolî awanîya komela xo ya qezaya Fatîhî ya Stenbolî de kombîyayîşêkê çapemenî organîze kerd û venga beşdarbîyayîşê “Mitîngê Azadîye” kerd ke do Stenbol de bêro viraştiş û vat: “Ma do seba azadîya fîzîkî ya Rayberê Şarê Kurdî Abdullah Ocalanî meydanan de bibê.”
Do 27ê hezîrane de Wan û Mersîn de 28ê hezîrane de zî Amed û Stenbol de seba azadîya fîzîkî ya Rayberê Şarê Kurdî Abdullah Ocalanî “Mitîngê Azadîye” bêro viraştiş. Înîsîyatîfê Dayîkanê Aştî yê Stenbolî seba “Mitîngê Azadîye” awanîya xo ya Stenbolî de vengdayîşê beşdarbîyayîşê kerd.
‘No mitîng mitîngê estbîyayîşê şarê kurdî yo’
Ewilî endama Înîsîyatîfî Sultan Bozkurt qisey kerd û dîyar kerd ke ê vengdayîşê beşdarbîyayîîşê ‘Mitîngê Azadîye’ kenî û vat: “No mitîng mitîngê estbîyayîşê şarê kurdî yo. Ma pêro pîya seba azadîya şarê kurdî û Rayberê Şarê Kurdî Meydanê Bagcilarî de bibê.”
Veng da heme şaran
Dayîka Aştî Zeynep Calîhan zî dîyar kerd ke ê veng danê heme şaran ke bêrê Meydanê Bagcilarî û beşdarê mitingî bibê. Zeynep Calihan bale ant amancê mitingî ser o û wina vat: “Seba azadîya Rayberê Şarê Kurdî Abdullah Ocalanî ma do meydanan de bibê.”
