Cinîyê ke verba xespê îradeyî de vera Şaredarîya Akdenîzî de tewrê protestoyî bîyî, mesajê “Qeyûm meşrû nîyo, qeyûm xesp o” da
Çalakîya nobetî ke verba tayînkerdişê qeyyûmî ya Şaredarîya Akdenîzî ya Mersînî dest pê kerda, roja 13. de ya. Çalakîya nobetî vera binaya şaredarîye ke dormeyê aye polîsan girewto, dewam kena. Endamê Platformê Cinîyanê Mersînî zî ewro bi pankartê “Cinî qeyyûm nêwazenê” paştî da xoverdayîşî. Çalakî de zaf rey sloganî “Do qeyyûm şêro cinî bimanê”, “Wa weş bo paştidayîşê cinîyan”, “Ma do bi xoverdayîşîxo qezenc bikê”, “Cinî pîya xurt ê”, “Jin, jiyan, azadî / Cinî Cuye Azadî” û “Qeyûmo dizd tîya ra şo” ameyî eştene.
‘Qeyûm xesp o, hêriş o’
Platforma Cinîyanê Mersînî ra Guneş Dogdu bale ant ke cinî hemverê qeyûman ê. Guneş Dogdu va: “Qeyyûm meşrû nîyo, qeyyûm xesp o. Hêrişêk o ke verba îradeyê mîlyonan, îradeyê cinîyan û destkewteyanê înan beno. Barîyerê dormeyê şaredarîye zî delîlê nê yo. Qeyûmî polîtîkayanê verba cinîyan ê îqtîdarî ra cîya nîyê.”
Dogdu vat ke va qeyyûmî heme çîyî ra ver hêriş kenê destkewteyanê cinîyan ser o û wina dewam kerd: “Ma qeyyûmî uca ra şinasenê ke xeta şîdetî ya ke verba şîdetê cinîyan ronîyaya padana û cinîyan verba şîdetî bêpawitiş verdana. Qeyyûm, hêrişêk o ke temsilîya cinîyan ser o beno.”
Qiseykerdoxan qiseykerdişê xo de ard ziwan ke: “Eke ma hemverê nê rejîmê yewmerdimînî nêvinderê, ma hemverê nê tepiştişê keyfî û tayînkerdişê keyfî yê dadgeha serayî nêvinderê, çi heyf ke ma do hema zaf çîyanê girdan biciwîyê.
Nobet, çalakîya roniştişî û deyîranê dayîkan reyde dewam kerd.
