Hunermend Nuarîn ke dimayê 11 serran agêraye Tirkîya, Teyaregeyê Çukurova de ameye destbendkerdiş.
Hunermend Nuarîn (Songul Seçmen) ke serra 2015î de şîbî şaristanê Parîsî yê Fransa, dimayê 11 serran bi 2 gedeyanê xo waşt ke şêra zîyaretê keyeyê xo ke qezaya Akdenîzî ya Mêrsînî de ciwîyenî. Nuarîn û di gedeyê aye demo ke teyare ra ameyê war Teyaregeyê Çukurova de hetê polîsan ra ameyê destbendkerdiş û ê berdê Mudirîya Polîsan a Tarsûsî. Polîsan dima ra Nuarîn berde Şubeyê TEM’î yê Mudirîya Polîsan a Mêrsînî.
Ame zaneyene ke dozgerîye qerarê nimitişî seba dosya dayo.
