Derheqê Şaredarê Mersînî yê Şaristanê Girdî Vahap Seçer, Şaredarê Yenîşehîrî Abdullah Ozyîgît û Şaredarê Mezîtli Ahmet Serkan Tuncerî de qerarê tepiştişî ame dayene.
Serdozgerîya Komare ya Mersînî derheqê Vahap Seçer, Abdullah Ozyîgît û Ahmet Serkan Tuncerî de bi îdîaya “dizdîye” tehqîqatêk dayo destpêkerdene. Çarçewaya tehqîqatî de her hîrê şaredarî zî mîyan de 60 kesî ameyî destbendkerdene. Badê karûbaranê emnîyetî, kesê destbendkerdeyî ameyî şawitene edlîye.
Dozgerî, Vahap Seçer, Abdullah Ozyîgît û Ahmet Serkan Tuncer zî mîyan de, 50 kesî bi waştişê tepiştişî sewqê dadgehî kerdî; 10 kesî zî bi qerarê kontrolê edlî ameyî verdayene.
Dadgehî derheqê her hîrê şaredaran de qerarê tepiştişî da. Îfadeyê kesanê bînan dewam kenê.
