Brezîlya de weçînayîşî namzedo çepgir Lula Da Silvayî qezenc kerd. Lulayî, badê weçînayîşî de qisey kerd, vat: “Welatê ma bexçeyê hetê pêyê kesî nîyo.”
Brezîlya, ke Amerîkaya Latînî de wayîrê herdê tewr girdî yo, de 158 milyonî ra vêşî weçînayoxî seba weçînayîşanê pêroyî şîyî sindoqe ser. Namzedê Partîya Karkeran (PT) Lula Da Silvayî zî se ra 51,72î rayî girewtî û weçînayîş qezenc kerd.
Lulayî, ke weçînayîş ra dima qisey kerd, dîyar kerd ke nê dewrê wezîfeyê xo ra dima reyna do nêbo namzed. Lulayî vat ke ê amanc kenê perwerdeyê tam rojî heta sewîya lîse vila bikerê, seba kêmî kerdişê girêdayîşê sîstemanê zîrekîya sûnî yê ke Amerîka de merkezê înan est o merkezê data yê ke enerjîya newebîyayoxî ra xebitnenê awan bikerê û zîrekîya sûnî ya taybetî ya welatî aver bibirê.
