Serekîya Erkanê Herbî ya Îranî vat ke Amerîka bi şuxulnayîşê bingeyanê leşkerî yê tayê welatanê herême hemleyê vera Îranî virazena û vat noqtayê ke hemleyî tira yenê viraştene, do bêrê hedefgirewtene.
Serekîya Erkanê Herbî ya Îranî derheqê şerê Amerîka û Îranî de eşkerayîyêka nuştekî daye û resna ke Amerîka bingeyanê xo yê tayê welatanê herême seba hemleyanê vera Îranî şuxulnena.
Eşkerayîye de ame dîyarkerdene ke welatê herême verê cû ameybî hişyarkerdene û bale ame antene ser o ke vera nê hemleyan de musamehe nêyena mojnayene. Ame vatene ke Hêzê Çekdarî yê Îranî do cewabê xo bidê çimeyê hemleyan.
Eşkerayîye de ame vatene: “Artêşa Amerîka ya hemlekere, terkkerdişê herême ra teber tu rayîrê aye çin o; û êyê ke hemlekarîya Amerîka ya vera Îranî asan kenê, ganî bizanê ke Hêzê ma yê Çekdarî yê bihêzî do çimeyê her tewir hemleyan hedef bigîrê.”
