Wekîla DEMî ya Dêrsimî Ayten Korduye seba kayyimê Dersimî û xirabîya karê ey Meclîs de pêşnumeya persî da Wezîre Karêzereyî Alî Yerlîkayayî ke û Yerlîkaya cewab bikero û Ayten Kordu vat ke qayûm îradeya şarî nas nêkeno
Sifte Colemêrg, Esenyurt, Mêrdîn, Xelfetî, Dêrsim, Pulur û peynî zî Miksê Wanî ra qeyûm ame tayîn kerdiş, Dêrsim de verba qeyûmî çalakîyê domyenê. Wekîla Partîya DEMî ya Dêrsimî Ayten Kordu seba texrîbatê qeyûmî, maxdûrîyetê şarê Dêrsimî ser o Wezaretê Karêzereyî Alî Yerlîkayayî ra Meclîs de pêşnumeya persî da.
Pêşnumeya xo Ayten Kordu dîyar kerd ke 22ê teşrîne de Dêrsim de îradeya şarî ra qeyûm ame tayînkerdiş û wina vat: “Qeyûmê Dêrsimî Walî Bulent Tekbiyikoğlu îcraetê ey sifteyin dormeraya şaredarîya ra ronayişê barîyerê betonî bî. No nêzdîbîyayiş, kultur û îradeya şarê Dêrsimî ra bêhurmetî yo. Demê çalakîyan de polîsan, çalakgeran ra bi awa taziqî û guleya plastîkî hêriş kerdê û zafêr çalakgerê zî ameyê hepskerdiş.”
Ayten Kordu Wezaretê Karêzereyî Alî Yerlîkayayî nê persan kerd:
-Dormeraya Şaredarîya Dêrsimî ronayişê barîyerê betonî û verba çalakgeran hêrişê polîsan ser cewabê şima çîyo?
-Peynîya tayînê qeyûmî demê kewtişê Dêrsimî welatijan ra qey belgeyê îkametgahî ame waştiş, no nêzdîbîyayiş kam qanûnî de esto?
-Bi tayînê qeyûmî ser xebatkarê Şaredarîya Dêrsimî şuxilnayişî yê rayîrê mobbîngî û surgunkerdişî bêro kerdiş, verba nê nêzdîbîyayişî ser o xebatêk şima esta?
-Polîtîkaya qeyûmî, asîmîlasyonî ra xizmet kena, tepaantişê qeyûman ser o xebata şima ya qanûnêk esta?
-Demê verba qeyûmî çalakîyan de, polîsan çalakgeran ra bi awa taziqî û guleya plastîkî hêriş kerdê û bi no rayîr zî verê heqê demokratîka çalakgeran ame girewtiş, na rewşe ser o xebatêk şima esta?
-Bi tayînê qeyûmî temsîlîyeta cinîye de cenîyan problem ciwiyenê, seba telafîya maxdurîyeta cinîye xebatêk şima esta û seba vergirewtişê na rewşe ser o zî şima do çi bikerê?
-Verba qeyûmî çalakîyê nêrazîbîyayişî de Dêrsim de hetanî nika çend kesê ameyê binçimgirewtişî, nê kesan çend kesê ameyê hepskerdişî û çend kesê ra zî cezaya keyeyî ame dayişî?
