Ciwanê ke tewrê nobeta Meydanê Batikentî ya ke vera hişber û fihûşî bîbî vizêrî amebî destbendkerdene, nînan ra 3 ciwanî ameyê girewtene.
Grûba hetgiranê Amedsporî ya bi nameyê KuçeAmed û ciwanan, semedê paştîdayena gama “Wurzê” ke Platformê Şiyar Be vera hişber û fihûşî dabî destpêkerdene, Meydanê Batikentî yê qezaya Yenîşehîrî yê Amedî de 5ê tebaxe de seba hîrê rojan çalakîya nobete viraşte bî. 6 ciwanê ke tewrê çalakîya nobete bîbî vizêr ameyî destbendkerdene. Ciwanê bi nameyê Hejar Başer, Mazlûm Dogan Sarikaya, Mûhammed Şakar, Fûrkan Koç, Mûrat Aslan û Suleyman Ay ke Mudirîyetê Polîsan ê Amedî de îfadeyê înan amebi girewtene, ewro sewqî mehkeme ameyî kerdene. Ame dîyar kerdene ke ciwanî bi îdîaya “Vera qanûnê rayraşîyayîş û çalakîyan de vejîyayî” û “birîndarkerdene” ameyî destbendkerdene.
6 ciwanê ke sewqî Edlîyeya Amedî amebî kerdene ra Hejar Başer, Mazlûm Dogan Sarikaya û Fûrkan Koç eynî îdîayan ra ameyî girewtene û sewqî zindanî ameyî kerdene.
