Stenbol- Fîlma bi navê ‘Ji bilî çiyayan şahîd tuneye’ ku qala kuştinên kujerên nediyar dike tê astengkirin.
Fîlma bi navê ‘Ji bilî çiyayan şahîd tuneye’ ku ji aliyê derhêner Kûrtûlûş Baştîmar hatiye kişandin û mijara wê kuştinên salên 1990î yên kujer nediyar in tê astengkirin. Derhênerê fîlmê, Baştîmar ku me bi rêya telefonê xwe gihand wî diyar kir ku wan beriya heyamekî serî li Sînemaya Atlasê daye ku 29ê îlonê galaya fîlmê bikin û ev serlêdan hatiye qebûlkirin.
Baştîmar da zanîn ku beriya 3 rojan berpirsên Sînemaya Atlasê li wî geriya ye û gotine ji ber ku roja 29î îlono cih tuneye ew nikarin cih bidin galayê û wiha axivî; “Dema li min geriyan gotin ew roj ne guncav e. Piştre min ji bo rojek din xwest rezervasyonê çêbikim. Lê bersiv nedan min.”
Baştîmar diyar kir ku ev nêzîkatî li hember mijara fîlmê ye û axaftina xwe wiha domand; “Bi rastî mijara fîlmî serpêhatî û zordariyên li ser Kurdan e û bi vê ve girêdayî dixwazin sansûr bikin.”
Baştîmar herî dawî li dijî vê pêkanînê piştgirî ji saziyan û kesên derdora sînemayê xwest.
