Rêxistina DEM Partiyê ya Rihayê û parlementerên Rihayê li navçeya Eyyûbiyeyê serdana karkeran kirin û pirsgirêkên wan guhdar kirin.
Parlamenterên DEM Partiyê yên Rihayê Dîlan Kunt Ayan û Ferît Şenyaşar li gel rêveberên rêxistina DEM Partiyê ya Rihayê li navçeya Eyyûbiyeyê serdana karkerên înşaatê kirin û pirsgirêk û daxwazên karkeran guhdar kirin.
Karkeran di hevdîtinê de qala krîza aborî ya ku dijîn, pirsgirêkên debarê û zehmetiyên xwe kirin û daxwazên xwe anîn ziman. Karkerên ku diyar kirin di bin şert û mercên giran de dixebitin û bal kişandin ser kêmasiyên ewlehiya kar û bêewlehiya debarê.
Heyeta DEM Partiyê jî diyar kir ku ew ê têkoşîn û daxwazên kedkaran biparêzin, pirsgirêkên wan bibin rojeva meclisê û bibin şopdarên mafên karkeran.
