Dayika Endamê Desteya Rêveberiya KCKê Mûstafa Karasû, Xanê Karasû li gundê Karapinarê yê navçeya Gurun a Sêwazê bi awayekî girseyî hatê veşartin.
Dayika Endamê Desteya Rêveber a KCKê Mûstafa Karasû, Xanê Karasû di 94 saliya xwe de duh li Çanakkaleyê jiyana xwe ji dest da. Xanê Karasû di 31ê Tîrmehê de nexweşiya wê giran bûbû û ew rakiribûn Nexweşxaneye Perwerde û Lêkolînê ya Zanîngeha Çanakkaleyê. Xanê Karasû di 3yê Tebaxê de li nexweşxaneya lê dihat dermankirin jiyana xwe ji dest da.
Malbatê cenazeyê Xanê Karasû pêşî anîn Cemxaneya Pîrsûltan Abdal a li navçeya Esenlerê ya Stenbolê. Li vir merasîma cenaze hate lidarxistin û piştre cenaze ber bi navçeya Gurun a Sêwazê ve hate rêkirin. Cenaze îro gihîşt gundê wê Karapinar a bi ser navçeya Gurunê ve. Li gund merasîma cenaze hate lidarxistin. Parlamenterên DEM Partiyê Celal Firat, Ayten Kordû û rêveberên DEM Partiyê, DBPê, aktivîstên TJAyê, nûnerên saziyên sivîl û gelek welatî tev li merasîma cenaze bûn.
Piştî wecîbeyên olî jinan darbesta cenazeyê Xanê Karasû hilgirt ser milên xwe û birin goristanê. Cenazeyê dayika Xanê, li kêleka gora hevjînê wê Xidir Karasû li goristana gund hate veşartin.
