Îngîlîstan de hîrê rayberanê hîrê şaredarîyan ê cîya-cîyayan ê Partîya Karkeran veng da îdareyê Londonî ke hêrişê vera kurdan ê Rojava eşkera şermezar bikerê û paştî bidê prosesê aştî yê Sûrîye.
Raybera Şaredarîya Hackneyî Caroline Woodley, Rayberê Şaredarîya Enfieldî Ergin Erbil û Raybera Şaredarîya Haringeyî Peraye Ahmet Partîya Karkeran ke endamê ci yê mektubo hempar nuşte û veng da ke wa statuyê Rojava bêro pawitene û hêrişê vera kurdan bêrê vindarnayene.
Rayberanê şaredarîyan îfade kerd ke kurdê ke herêmanê ci de yê, ê înan ra berpirsîyar ê û waşt wa binpaykerdişê heqan bêrê şermezakerdene, semedê pawitişê sîvîlan mekanîzmayî bêrê pêardene û prosesê çimdarî yê xoserî bêrê paşdayene.
Parlamenterê Partîya Karkeran Bambos Charalambousî zî wezîr Hamish Falconero ke Rojhelatê Mîyanênî ra berpirsîyar o, ey de pêvînayîş kerd û rewşa Kobanî kerd rojev û vat seba ke awanîyê ke zerar danê newera hêzdar mebê ganî gamê bilez bêrê eştene.
Reyna Temsîlkarê MSD’yî yê Îngîlîstanî Dr. Mohamed Moustafayî zî pêvînayîşê bi Wezîrê Weşîye Wes Streetingî de waşt wa semedê Kobanî korîdorê merdimî bêro akerdene.
