Sazgehê Heqanê Merdiman ê Sûrîye (SOHR) dîyar kerd ke keyeyê ke Efrîn ra bi zorî ameyî koçberkerdene, mîyanê şertanê giran ê zimistanî de krîzêko merdimî reyde rî bi rî yê.
SOHR’î eşkerayîya xo de dîyar kerd ke bi desan keyeyê ke badê koçberbîyayîşê Efrînî, Tebqa û Reqa ra zî reyna cayê xo ra bîyî, hêrişanê peyênan ra pey bêçare mendê ke dibistananê Kobanî de bimanê.
SOHR’î vat: “La keyeyî, rîyê şertanê giran ê zimistan û kêmîya cidî ya lazimtîyanê bingeyin ê heyatî krîzêko giran ê meridimîye reyde rî bi rî yê” û dîyar kerd ke dibistananê Kobanî de ke koçberî tede manenê elektrîk, awe û hacetê germkerdişî çin ê.”
Eşkerayî de wina ame vatene: “Seba ke hetkarîya însanî ya tesîrdar nêresena herême, trajedîya ke keyeyî tede yê hîna xorîn bena.”
SOHR ragihand ke hetkarîyê ke rojanê peyênan de hetê hin rêxistinê hetkarîye û Heyva Sor a Sûrîye ra ameyî şawitene, seba temînkerdişê hewcedarîyê bingeyinî yê koçberan hîna dîr ê, heta nê hetkarîyî pirîya mekteban de qet nêresayî keyeyan.
Eşkerayî de bi taybetî rewşa gedeyan ser o ame vindertene ke rîyê serd û şertanê giran ê teberê merdimîye ra merdimîye rîsko giran reyde rî bi rî yo û vengdayîşê hetkarîya lezgîne ameye kerdene.
