Verfeka YPJ’yî Roksan Mihemed dîyar kerd ke hêrişê girdî Vakur û Rojhelatê Sûrîye ser o est ê û vengda şarê kurd û dostanê înan ke seba pawitişê Rojava wirzê lingan ser.
Verfeka Yewîneyanê Pawitişî yê Cinî (YPJ) Roksan Mihemed bi mesajêkê vîdeoyî vengdayîşê wayîrvejîyayîşê Rojava kerd. Roksan Mihemed ard vîr ke seba ke merdimîye bipawê, înan bêteredut canê xo feda kerdo û îfade kerd ke ewro dora pawitişê Rayberîya Xoser a Vakur û Rojhelatê Sûrîye yo. Roksan Mihemedî nê mesajî da: “Ê ke hêriş kenê ne merdimîye ne zî exlaq înan de est o. Nika hêrişê giranî dewam kenê. Hêrişî hetê HTŞ, DAIŞ û dewleta tirkan ra yenê kerdene. Nê hêrişî tena seba Vakur û Rojhelatê Sûrîye nê do seba heme merdimîye bibê bela. Ma bêteredut canê xo feda kerd ke ma merdimîye bipawê. Bêvengîya hêzanê mîyandewletî zî vernîya nê hêrişan akena.”
‘Hêrişî do bi şerê şarî yê şorişgirî bêrê binfînayene’
Dewamê mesajê xo de Roksan Mihemed vat ke têkoşînê şerê şarî yê şorişgirî senî ke Kobanî, Tişrîn, Reqa û Baxozî de çeteyî binvîstbî do reyna bi şerê şarî yê şorişgirî xover bidê û serkewê. Roksan Mihemed wina qisey kerd: “Ganî ma ewro kurd û dostê kurdan pîya qadê şerî û xovedayîşî de bibê. Seba ke na seserre seserra teqezkerdişê azadîya şaran a. Ma vînenê ke şarê ma hem Vakur û Rojhelatê Sûrîye, hem dinya de û bi taybetî vakurê Kurdîstanî de lingans ser o bi. Çar hetanê Kurdîstanî de ganî şarê ma wirzo we û têkoşînî gird bikero. Tu hêrişî nêeşkenê hêzê şarêkê binfîno ke seba azadîye xover dano. Vengdayîşê ma seba heme şarê ma û dostanê ma ya ke seba pawitişê Rojava wirzê lingan ser o.”
