Îlham Ehmed diyar kerd hêrişê ke taxanê Şêxmeqsûd û Eşrefîye ya Helebî ser ameyî viraştene tehdîdê ko gird serê herême û welatî de da ronayene. Reyna zî ma sey Rayberîya Xosere û hêzanê aye keberê xo dîalog û deyenûgirewtene rê ca nêdanê.
Hevsereka Daîreya Têkiliyanê Teberî ya Rayberîya Xosere ya Demokratîk Îlham Ehmed ard ziwan ke serebûtê Sûrîye tehdîtêko gird serê welatî û herême de de viraştî û destcikerdena teberî nayera dima zêde bena û benoke reyde bîn terorî vejo teberê Sûrîya.
Îlham Ehmed kombîyayîşê çapemenîye de da zanitene ke peymana 10ê adare ewro eke xemetîya sedemê naye nê polîtîkayê hukmatê demkî yê.
Serê hêrişanê taxanê Helebî zî Îlham Ehmede binê propagandaya şerê taybetî yo ke çend aşmî nayera ver dest kerd bî ci vinerte û va çend aşmîyo hem propagandaya qilêrine bîye hem zî re re hêrişî ameyêne kerdene. Nê zî bî sedemê krîzî.
Dewamê qiseykerdena xo de Îlham Ehmed da zanayene ke “Wezaretê Pawitene” bi şiklekî fermî operasyono eskerî vera taxanê Şêxmeqsûd û Eşrefiyê eşkera kerd. HSD goreyê peymana 1ê Nîsane her di taxan ra zî ancîyabî. labelê hukmatî propoganda kerdêne vatêne ke HSD her di taxan de zî esta. Bi nê maneyî bi 80î tank dest bi hêrişêko vêrankar kerd.”
Îlham Ehmede diyar kerd ke hêrişan de nêzdîyê 48 kesan cuyena xo dest da û 118 birîndar bîyayî û hîna kesê ke rewşa xo ne dîyara desan kesî estê.
Îlhamê destnîşan kerd ke çeteyanê ke sucê hovanî Heleb de kerdê DAIŞ û komê Tirkîyeyê û çeteyê biyanî bîy û nê çeteyan pêrûne hêrişî taxanê Şêxmeqsûd û Eşrefîye kerd.
Hemsereka Daîreya Têkiliyanê Teberî Îlham Ehmed vat yewe zî şertê ke Amerîka vera sucanê nê çeteyan vaznabî ra cesaret da nînan. Verî hêrişê elewî, durzî û xiristiyanan kerd nika zî hêrişê kurdan kenê.
Îlham Ehmed venga hukmatê Amerîka kerd va nêzdîbîyena xo ya vera nê qirkerdişê ke bi destê nê çeteyan yenê kerdene zelal bike.
Peynîya qiseykedena xo de Îlham Ehmed vat ma raya dîalog û dayenûgirewtene ra ruyê xo nêçarno la belê şerta ma aya ke nê hêrişî bêrê ravaznayene. Kurdê Heleb û Efrînî bêrê werinwitene.
