Huqûqnas Mustafa Ozoralî ard ziwan ke ganî tecrîdê vera Rayberê PKK’î Abdullah Ocalan bêro wedaritene û ‘heqê hevîye’ bêro caardene. Ozoralî îfade kerd ke tecrîd xizmetê şerî keno.
Endamê Komeleya Huqûqnasan a Seba Azadîye (OHD) û avûkat Mustafa Ozoralî tecrîd û nîqaşê serê heqê hêvîye ANFyî rê ercnayî.
Avûkat Mustafa Ozoralî pare kerd ke tecrîdê Îmraliyî vilayê pêro welatî bîyo û vat: ”Dewlete kerdişê vera Peymana Heqanê Merdiman a Ewropa hêverî Îmrali de ceribnayî. Vilanêkerdişê fikran zî tecrîd o. Abdullah Ocalan 25 serrî yo tecrîdkerde yo û nêeşkeno fikrê xo biresno teberî. No zî tecrîd o.”
Ozoralî bale ante eşkerayîyanê Bahçelîyî ser û vat: ”Bahçelîyî îtîraf kerd ke tecrîd est o û vat ke eke PKK bêro vilakerdene tecrîd do bêro wedaritene. Eke heqê pêvînayîşî yê bi Ocalanî nêrê caardene prosesê haştîye û çareserîye nêbenê.”
Ozoralî babeta heqê hêvîye de vat: ”Tirkîya de heqê hêvîye hetê qanûnî ra çin o. Peymana Heqanê Merdiman vana ke ganî cezaya muebede newe ra bêra ercnayene. Mehkemeya Heqanê Merdiman a Ewropa zî dîyar kena ke ceza ganî bi armancê islahkerdişî bêra dayene û cezaya muebede vera felsefeya huqûqê ceza ya. Naye ra 25 serran ra dima ganî şert û mercî bêrê ercnayene. Ocalanî 25 serrî temam kerdî, ganî Tirkîya goreyê mewzuatê Yewîya Ewropa têbigêra û heqê hêvîye bişinasna.”
Ozoralî îfade kerd ke tecrîd xizmetê şerî keno la Rayberê PKK’î wazeno ke haştîye bîyaro ca. Ozoralî veng da ke mewzuatê vera cezaya muebede ganî bêro vurnayene û vat: ”Seba awankerdişê komelêkê demokratîke û şînkerdişê hêvîyanê aştîye no şert o.”
