Beyrût de tedeyîya kitabê ‘Post-Netewerestî û Modernîte’ yê Dr. Taha Elî Ehmedî ame nîqaşkerdene. Kitab ser felsefeya Rayberê Şarê Kurdî Abdullah Ocalan û nêzdîbîyaye ey a sîyasî ya. Kitab hetê akademîsyen û cigêrayoxan ra ame nîqaşkerdene.
Komeleya Kulturî ya Şaran Demokratîkan a paytexta Lubnanê Beyrûtî de nîqaş ser kitabê ‘Post-Netewerestî û Modernîte’ yê Dr. Taha Elî Ehmedî ame kerdene. Nîqaş bi beşdarîya akademîsyen, cigêrayox û rexnegiran ame kerdene.
Mamosteyê Zanistê Sîyasî Têkilîyê Mîyanêneteweyî yê Dr. Raid El Misrî, Cigêrayoxê Zanistê Sîyasî yê Zanîngehê Parîsî Dr. Îbrahîm Şakir û Akademîsyen Dr. Huda Rizq nîqaş ra rayberî kerd. Dr. Taha Elî Ehmed tedeyîya kitabê xo şîrove kerd û bal ant ser felsefeya Rayberê Şarê Kurdî Abdullah Ocalanî û destnîşan kerd ke tedeyîya felsefeya ey de çareserîyê pratîkî est ê û ewro na paradîgama Vakûr û Rojhilatê Sûrîyeye de pê yena.
