Profesora felsefeya zanistî û femînîsta Dewletanê Yewbîyayeyî yê Amerîkayî (DYE) Helen Longîno DEM Partî rê mektûbêk erşawit, bale ant Vengdayîşê Aştî û Komelê Demokratîkî yê Rayberê Şarê Kurdî Abdullah Ocalanî ser o û dîyar kerd ke nê vengdayîşî rasta zî aye ser o tesîr kerdo.
Mektubê Longîno wina yo:
“Ez qerardarîya DEM Partî yas eba awankerdişê komelêkê demokratîk, zafrengî û aştîyane ya Tirkîya bi keyfweşî pêşwazî kena. Tesîrê Abdullah Ocalan o ke têkoşînê çekdarî da kenarêk û rayîrê aştîyane yê seba bidestvistişê heqanê kurdan û heme kesî ke Tirkîya de dayê xo ver, bi rastî zî mi ser o tesîr kerd. Ez têkoşînê şima de, şima rê serkewtiş wazena.”
Helen Longîno kam a?
Longînoya ke Unîversîteya Stanforî de musnayoxa Beşa Felsefeyî ya, bi karanê xo yê qadanê felsefeya zanistî, epîstemolojîya komelkî û felsefeya femînîst yena şinasnayene. Longino bi tespîtê xo ye “Femînîzmî rê zanist lazim o, zanistî rê zî femînîzm lazim o” yena naskerdene û bi karanê xo yê hetanê komelkî yê agahîya zanistî ser o û bi têkilîya mabênê komelî-înformatîkî sey fîlozofanê zanistê femînîst ê bi tesîr ê serdemê ma yena qebulkerdene.
