Derheqê “Vengdayîşê Aştî û Komelê Demokratîk” ê Rayberê Şarê Kurdî Abdullah Ocalanî de, Serekê Pêroyî yê PSAKD’î Cuma Erçe dîyar kerd ke elewî parçeyêkê esasî yê nê prosesî yî.
Prosesê Aştî û Komelê Demokratîk o ke Rayberê Şarê Kurdî Abdullah Ocalanê da destpêkerdene, hetê raya cemawerî ra bi baldarî yeno taqîbkerdene. Abdullah Ocalan tewr peyên pêvînayîşê bi wesîyê xo Mazlum Dînçî reydde dîyar kerdbi ke beşdarbîyayîşê heme beşanê komelî yê seba prosesî lazimtîyêka heyatî yo.
‘Ma terefgirê prosesî yê’
‘Do çarenusê Rojhelatê Mîyanênî bibedilîyo’
Erçeyî dîyar kerd ke aştîya ke Tirkîya de biba do çarenusê Rojhelatê Mîyanênî bibedilno û wina dewam kerd: “Demokratîkbîyayîşê Tirkîya tena seba ma nê seba herême zî zaf muhîm o. Tirkîya bi rewşa xo ya jeopolîtîke seba herême nimune ya. Eke nê prosesî de otokrasîyêk bêro awankerdene do na rewşe ra tewr zaf kurd, elewî û beşê komelî yê bindestî zerar bivînê. Ma wazenê proses bi dînamîkanê zereyî ra bêro rayraberdeen û bi aştîyêka bi rûmete reyde bi encam bibo.”
Waştişê Elewîyan
Erçeyî îfade kerd ke waştişê înan ê seba welatijbîyayîşo têduşt est ê û qiseykerdişê xo wina qedêna: “Ganî cemxane sey îbadetxane bêrê hesibnayene, Otêla Madimakî biba muzeya şermî, dersê dînî yê mecbûrî bêrê hewanayene, perwerde bi hewayêko zanyarî û sekuler bo, Serekîya Dîyanetî tena seba elewîyan nê seba hema kesan bêra girewtene. Cehd kenê ke bi polîtîkayanê asîmîlasyonî elewîtîye çin biekrê. Elewî bi hewayêko fîzîkî nêameyê çinkerdene, nika bi hewayêko kulturî wazenê orte ra hewanê. Ganî nê helwêstî ra fek veradê.”
