Heyetê Îmraliyî yê DEM Partîye, dima pêvînayîşê bi Rayberê Şarê Kurdî Abdullah Ocalanî reyde beyanat da.
Heyetê Îmraliyî yê DEM Partîye, dima pêvînayîşê bi Rayberê Şarê Kurdî Abdullah Ocalanî reyde ke Girawa Îmraliyî de ame kerdene, beyanat da.
Beyanatê nuştekî yê Heyetê Îmraliyî wina yo:
“Çapemenî û Raya Pêroyî rê,
Sey Heyetê Îmraliyî yê DEM Partîye, ma 25ê Temuze 2025î de Girawa Îmralî de bi Birêz Abdullah Ocalanî reyde pêvînayîşêko hîrê seet û nîmî kerd.
Ma têkildarî pêvînayîşanê ke çend roj verê bi Birêz Serekkomar, Birêz Wezîrê Edaletî û serekê partîyanê sîyasîyan reyde kerdî, agahîyê da.
Têkildarî merasîmê îmhakerdişê çekan ê ke 11ê Temuze de ame viraştiş, çimdarî û bandorê merasîmî ser o agahî ameyî dayene. Birêz Ocalanî zî dîyar kerd ke hawayê merasîmî, îradeyê ke ameyo nîşandayene, bîr, bawerî û qerarê ke ameyo nîşandayene zaf erjîyaye yo.
Ey destnîşan kerd ke o paweno ke xebata komîsyonê ke meclîs de ya hîra bo û bi hawayêkê herakerde aşîtî û demokrasî rê hetkarîyekê muhîmî bikero.
Silamanê xo şar û heme dormerayê komelkî rê erşawit.
Silam û Rêz.
Heyetê Îmraliyî yê DEM Partîye
26ê Temuze 2025.”
