Duran Kalkanî ard ziwan ke eke verê gerîlayan bêro akerdene ê eşkenê têkoşînê sîyasîyî tewr bitesîrî rayra berê û vat, “Gerek qanûnê azadîye û entegrasyonê demokratîkî vejîyê.”
Endamê Akademîya Zanistanê Komelkîyan ê Abdullah Ocalanî Duran Kalkanî programê taybetî yê Medya Haber TVyî de rojdem erjna.
Erjnayîşanê Duran Kalkanî ra qismêk wina yo:
“Gerîlayan raştîyêke vete meydan. Her kesî vatêne ‘Rayber Apo bêtesîr o nêeşkeno çîyêk bikero.’ Bêtesîr ya bitesîr o ame vînayene. Bi merasîmê 11ê temmuze ame vînayene ke gerîlayî bi hewayêkê zelalî çeke caverdanê. Hinî pêro şikî werte ra ameyî wedaritene. Nika gerek ewro ra tepîya çi hewce keno bêro caardene. Adresê ey zî bewlî yo. Merasîm de sey çimê hîrêyinî çimdarî bibî. Ma waşt dahîna zaf dezgehê heqanê merdiman bibê. Mesela komîsyonêk bibinî. Rayber Apoyî sere ra israr kerd. Çîyo kêm o eşkera yo. Dewlete, îqtîdarê AKP’yî no nêkerd.
Na meseleya estbîyayîş û azadîye ya şarêkî ya. Pêro dinya bîya yew vana ‘kurd çîn ê’ wazenê çîn bikerê. Kurdî zî vanê ‘ez zî est a’ û seserrî yo xover danê. Pancas serrî yo PKK seba ke no estbîyayîş vînî nêbo têkoşîn keno. Şer kerd, hend şehîd dayî. Wina têkoşîno heyatî est o. Semedê çînkerdişê nê bazarîye hewce nêkena. Eke biney edalet bêro caardene xora mesela çareser bena. Nê hetî ra eke zîhnîyet û sîyaset mebedilîyê meseleya kurdan meseleya tewr giran a. Çirey nîna çareserkerdene. Zîhnîyet û sîyasetê înkar rû îmhayî Tirkîya rê zaf da vînîkerdene. Coka ma vanê wa no zîhnîyet û sîyaset bêro bedilnayene, eke wina bibo çareserî cade bena.
Heta ewro rîyê çeke ra vera Rayber Apoyî, PKK’yî her qeyde heqaret, neheqîye bîyî. Ez Almanya de 6 serrî zîndan de menda. Mi uca zaf zelal dî. Eleqeya sûcdarkerdişê PKK’yî bi çeke çîn o. Ma hende îzah kerd ke çeka ma çîn a. Ma dî ke fîkranê ma rê vanê ‘terorîst’ vatişê ‘kurd est o’ sey terorîye vînenê. Wa her kes bizano ke PKK’yî bi keyfî çeke nêgirewt destê xo, mecbûr mend. Yew zî qey gerek ma çeke bidê yewna kesî? Genê şuxulnenê. Ma hesabê ey zî kerd. Yanî destê ma de sey terorîstîye yeno şuxulnayene, destê kesanê bînan de sey demokrasîyî yeno şuxulnayene? Raştê ci o bi. Goreyê mîtolojîya kurdan bi. NATO ma sey terorîst îlan kerdî. Ê bi xo hende çeke şuxulnenê, Kurdîstan û Rojhelatê Mîyanênî açarnayê gola gonî. Ma wazenê wa gonî nêrişîyo, na rewşa bipêkewtişî wa biqedîyo.
Çend serrî cuwa ver Erdogan şibi Almanya, ûca de qala entegrasyonî kerdêne. Wina vatêne: ‘Ma vera asîmîlasyonî yê, ma entergrasyon wazenê.’ Almanya hîşyar kerdêne. Vatêne wa semedê tirkan entegrasyon bêro naskerdene. Entegrasyono ke Erdoganî Almanya de semedê tirkan waşt, Tirkîya de semedê kurdan do nas bikero ya nê? Nika kurdî zî Erdoganî ra senî ke ey Almanya de waşt, entegrasyon wazenê. Rayber Apo eşkera vano qanûnê entegrasyonê demokratîkî. Yew zî qanûnê azadîye. Gerîlayan çeke na ro. Hinî nê gamî mendê. Gerek qanûnê azadîye entegrasyonî bêrê vetene.
Ma hêvî kenê narey komîsyon tecrubeyanê 2013–2014î ra ders vejeno. Eke wina mebo her çî sey verî beno. Gerek komîsyon wayîrê wezîfe û berpirsîyarîya xo ya tarîxî bivejo. Gerek waxtê ravîyartî de bêro têrî. Hetê kurdan zaf gamî eşt ê. Çîyê ke ma heta ewro kerdî ramojnenê ke ma sozê xo tepişenê. La komîsyon raşta zî gerek babetanê esasîyan bikero rojdem. Gerek qanûnê azadîye û entegrasyonê demokratîkî vejîyê werte.”
