Hemserekê Pêroyî yê DBP’î Keskîn Bayindir bal ant ser hêrişê Surîyeya Rojhilat û Bakûrî û wina vat: “Eke meseleya Kurd çareser biba, qatî statuya Rojawanî bêra şinasnayiş”
Partîya Herêmanê Demokratîke, verê Kongreya xo ya 7ine yê 12ê Çileya 2025î de biviraza, bi şîarê “Bi rayberîya îradeyanê pratîk û teorîkî, komelo azade înşa kenê” konferansê pêroyî virazena. Konferans Banê Rêxistinê DBP’î yê Amedî virazîyeno û konferansî ra Hemserekanê DBPî Çîgdem Kiliçgun Uçar û Keskîn Bayindir, Hemserekê DTK’î Berdan Ozturk, Hemserekê Tuncer Bakirhan, hemserekanê şaredarîye, temsîlkaranê partî û sazîyê sivilî beşdar benê.
Konferans de demê qiseyê xo de Hemserekê Pêroyî yê DBP’î Keskîn Bayindir bal ant ser hêrişê Surîyeya Rojhilat û Bakûrî û wina vat: “Ganî nê hêrişan ma seyr nêkerê, ma do heme waran de seba pawitişê destkewteyê xo bixebitê. Şarê Kurd destkewteyê xo pawit, ewro pawitişê Rojawanî pawitişê destkewteyê Kurdan o. Kurdistan de nîqaşarê ser meseleya Kurdî ra bawerîya şarî çîn ya. Tirkîya û qewetê mîyanêneteweyî wazenê statuya Rojawanî çin bikerê, no ser do kura de bibo ma seba pawitişê destkewteyê xo bixebitê. Ganî statuya Surîyeya Rojhilat û Bakûrî bêra şinasnayiş.”
Şarê xo rê bawer kenê
Keskîn Bayinder ard vîr ke hêrişê 2014î de Kurdan destkewteyê xo pawitê û biserkewtê û wina domna: “2014 de şarê Kurd, bi qewetê yewe û hîşyarîye, destkewteyê xo pawit û nê rojan ra ame. A roje hewna ame, roj roja pawitişê yewîye ya. Ma têkoşînê xo û şarê xo rê bawer kenê.”
Bingeya Rojawanî qewetir a
Hemsereka Pêroyî ya DBP’î Çîgdem Kiliçgun Uçar zî vat ke Rojhîlato Mîyanên de qirkerdişê pê yenê û wina vat: “Şerê Hîreyine yê Dinyaye de her kes wazeno sînoranê xo xêz bikero la esil muhîm paradîgma yo. Rojawan bi paradîgmaya birêz Ocalanî ameyo awankerdiş û bingeya ci qewetir a.”
