Koalîsyonê Fîloyê Azadîye hetê Îsraîlî ra ameye vindarnayene û raywanî ke keştî de bîyî zî ameyê destbendkerdene. Partîya Fransayî LFI’yî ra parlamenter Rîma Hassan û Swêd ra aktîvîst Greta Thunberg zî keştî de bîye.
Keştîya ke 1ê hezîrane de seba “Hewanayîşê dorpêçê Îsraîlî” rayîr kewte, rixmê tehdîtê artêşê Îsraîlî zî Misir ra pey mabên da û ver bi Xeza rayîr kewt.
Bi saeta GMT’yî goreyê daneyanê peyênan yê 22:00î keştî 57 km Xeza ra dûrî bîye. Dima keştî reyde têkilî birîyaye. Rêxistine vat, “Madleen reyde têkilî birîyaye. Artêşê Îsraîlî keştî vindarnaye.” Rêxistine eşkerayîya xo ya telegramî de dîyar ked ke “muretebat hetê hêzanê Îsraîlî ra ame remnayene.”
Hesabê Xî yê Rima Hassan ser o nameyê grûbe ser o eşkerayîyêk ameye vilakerdene û wina ame vatene: “Îsraîl awanê mîyanneteweyîyan ser o bi vindarnayîşê keştîyêka hetkarîya merdimîye reyna huqûqê derya û merdimîye binpay keno.”
Lîderê LFI’yî Jean-Luc Melenchon vengda dewlet, Yewîya Ewropay, Neteweyanê Yewbîyayeyan û heme komelanê mîyanneteweyîyan ke nê destbendkerdişanê bêhuqûqîyan şermezar bikerê û biwazî ke muretebat bi lez û bêşert û merc veradîyo û vat, “Seba hetkarîya merdimîye bêastengî biresa Xezayî zor bidê Îsraîl.”
