Netîcenameyê kongreya KNK’yî ya 23. ame eşkerakerdene. Netîcename de venga rêxistinanê Kurdîstanî û şarê kurdî dîya ke yewîya neteweyîye bîyarê ca û wayîrê prosesî vejîyê.
Kongreya KNK’yî ya 23. 24-25ê gulane de Hollanda de amebî kerdene. Netîcenameyê kongre ame eşkera kerdene.
Netîcename de nê qerarî ameyî girewtene:
“-Kongreya ma paştî dano Vengdayîşê Aştî û Komelê Demokratîkî yê Rayber Apoyî û prosesî. Ma venga pêro partî, rêxistin û şarê kurdî danî ke wayîrê nê prosesî vejîyê. Seba ke no proses serkewo sey KNK’yî ma do seferber bibê. Ma venga dewleta tirke danî ke nê firsendî zayî nêkera, Rayber Apoyî azad bikera, operasyonan vindarna û mesele rê zemînê çareserîye awan bikera.
-KNK do seba pawitişê destkewteyanê Başûrê Kurdîstanî têbigêro. Başûr de ganî pêro hêzê kurdan nakokîyanê xo bidê kişte, yew bibê û seba pawitişê destkewteyan têbigêrê.
-Ma tedaya Îranî ya vera Rojhelatê Kurdîstanî şermezar kenê. Ganî her kes paştî bido têgêrayîşê cinîyan û şarê Îranî.
-Rojawanê Kurdîstanî de wa peymana bi rejîmê Şamî de kurdî bêrê şinasnayene.
-Ganî çarçewaya serra 100. ya Serewedaritişê Şêx Seîdî yê 1925î de Ewropa de asta neteweyî de konferans û mîtîngî bêrê kerdene. Serrgêra Peymana Lozanî de zî çalakîyê girseyî wa bêrê kerdene.
-Ganî cinîyî sîyaset de bi hewayêko aktîf têbigêrê, îradeyê cinîyan bişinasîyo, cîyakerîya cînsîyetan biqeda û temsîlkarîya têdûşte bêra caardene.
-Wa heqê pêro komanê bawerî û etnîkan bipawîyê.”
Netîcename de ame dîyarkerdene Zeyneb Murad û Ahmed Karamus reyna bîyê Hemserekê KNK’yî û hûmara delegeyan bîya 23. Netîcename de venga rêxistinanê Kurdîstanî û şarê kurdî dîya ke yewîya neteweyîye bîyarê ca û wayîrê prosesî vejîyê.
