Vezîrê Îsraîlî ê Karê Tewerî Gîdeon Saarî bale ante serê cergê ke devleta Tirkîya ra piştî gênê û hêrîşê serê Kurdan kenê seba înan veng da va: “Herîşê verba Kurdan bêro vindartnayene”
Vezîrê Karê tewerî ê Îsraîli Gîdeon Saarî bajarê Kûdusî de kombîyayîşê çapemenîye qesî kerd. Gîdeon Saarî qesîkerdena xo de va ke çimê Îsraîlî hardê Surîye de çînîyo û ma binkewtena Esadî ra dime seba asayîşê Îsraîlî gamê de dem kilme eşta.
Goro ke ajansa Reûtersî de ca giroto Saarî vato ke şarê ke Sûrîyede cuyînê gerê nî şarî pêro bêrê şeveknayene û zafêrî zî hêrîşo ke serê Kurdano gerê bêro vindartnayene.
Saar, Îsraîl nayera dime nêverdano Hîzbullah wertê sînorê Sûrîye de ca bido xo. Derheqê rehînan de zî muzakereyî dom kenê wakto nêzik de nê hema waxto hîra de omidkarîme vat.
Saarî hesabê xo ê Xî de zî girêdayîyê kombîyayîşê çapemenîye de zî nîya vat: “Seke ma Minbîç de dî hêrîşê serê Kurdan dom keno. Ma dostanê xo ê ABDî de zî pare kerd. Komelê mîyanneteweyî pêro şahadê ke Kurdan verba DAÎŞî ceresun xover da û Surîye de raya istikrarî dê ya.
