Festîvala Fîlmanê Kurdî ya 2. ya Dusseldorfî vizêr şand şaristanê Dusseldorfî yê Elmanya de dest pêkerd. Bi desan derhêner, kayker û fîlmviraştox beşdarê merasîmê destpêkerdişî bîyê.
Festîvala Fîlman Kurdî ya 2. Ya Dusseldorfî vizêr şand bi mojnayîşê fîlmê ‘The Virgin and Child’ ê Binevşa Bêrîvane dest pêkerd. Bi desan derhêner, kayker û fîlmviraştox, derhênerê vîdeoyî û derhênerê hunerî beşdarê merasîmê destpêkerdişî bîyê.
Sînemagerî vizêr saete 17:00î ra pey Sînemaya Ufa Palastî ameyê têhet. Derhêner Binevşa Bêrîvan, Hawraz Mohamed, Olmo Couto û Alî Kemal Çinar zî amade bîyê.
Reyna hunermend Şemdîn, Berfîn Emektar, Cewad Merwanî, Yûnis Behram, Hekîm Sefkan, Bermal Çem, Sosin, Hakan Akay, Canê, Diyar, Yilmaz Beyazgul, Sirri Ayhan û Serhad Çarnewa zî tede bi desan hunermend, nuştox, şanoger, foklorîst, şaîr û muzîsyenî zî tede bîyê.
Salona destpêkî ya Sînemaya Ufa Palastî bi renganê Kurdîstanî xemilîyaye.
Festîvale saete 20:00î de bi mojnayîşê fîlmî ‘The Virgin and Childî’ dest pêkerd. Mojnayîşê fîlmî ra ver nameyê rayberîya festîvale ser o qiseykerdişêko kilm ame kerdene û wina ame vatene: “Festîvale de do 40 filmê derg û kilm, reyna do dokumenterî bêrê mojnayene.”
Fîlmê ke do ewro bêrê mojnayene
Festîvala Fîlmanê 2. ya Dusseldorfî do ewro Sînemaya Ufa Palastî de 2, Sînemaya Metropole de 10 fîlmê derg û kilmî bêrê mojnayene. Reyna seba Bavê Teyar zî do Sînemaya Metropole de mojnayîşêko taybet bêro kerdene.
Programê ewroyî wina yo:
Sînemaya Ufa Palastî de
Saete 20:00
Fîlmê ‘Beriya Şevê’ do bêro mojnayene. Fîlmê derhêner Alî Kemal Çinar 60 deqa dewam keno ke serranê peyênan de bi fîlm û karakteranê bo bale anceno.
21:50
Dokumenterê ‘Asadur’ do bêro mojnayene ke hetê Onur Gulerî ra ameyo amadekerdene ke 50 deqa dewam keno.
Programê Sînemaya Metropolî zî wina yo:
Saete 16:00
2 dokumenterê ke Qirkerdişê Enfalî ser o yê do pêser bêrê mojnayene. Dokumenterê ‘980’ û ‘Unseen Photos Of Anfal’ her yewî înan do 27 deqa bêrê mojnayene. Derhênerê ‘Unseen Photos Of Anfal’ Hawraz Mohamed do amade bo.
Saete 17:00î de Sînemaya Metropolî de do ewro pêser filmê kilmî bêrê weşaneyene. Filmê kilmê ke do bêrê mojnayene wina yê:
Wext: 8 deqa
A Coffin For Life: 13 deqa
Sorin: 13 deqa
Zerya: 12 deqa
Wahit Dream: 10 deqa
Distant: 17 deqa
Ezda: 14 deqa
Saete 19:20
Dokumenterê ‘Serê Kanîyê’ yê derhêner Olmo Couto do 60 deqayan dewam biko.
Dokumenter do promîyerê dinyayî bikero.
Saete 21:00
Saete 21:00î de zî do seba vîrardişê şanoger Bavê Teyar mojnayîşêko taybet bêro kerdene ke Bavê Teyar Awbendê Tişrînî de şehîd bi. Seba vîrardişê Bavê Teyar do hîrê filmê kilmî bêrê mojnayene. Ê fîlmî wina yê:
Hat Nehat: 5 deqa
Xweş Xeber: 4 deqa
Kurmê Darê: 21 deqa
