Rojnameyê Xwebûnî hûmara xo ya 279. de bi manşetî ‘Em ji hêza xwe bawer in’ vejîya.
Rojnameyê Xwebûnî manşetê xo yê nê hewteyî de ca da roportajo ke fermandara YPJ’yî Newroz Ehmed reyde derheqê peymana Sûrîyeyî ya mabênê HSD û HTŞ’yî de ameya îmzakerdene û ameyoxê YPJ’yî yê Sûrîye de kerdo. Newroz Ehmed roportajî de da zanayene ke ê do hukmato ke îradeyê şarî çin hesibneno qebul nêkerê û vat: “Ma sey YPJ do tu wext tavîz nêdê û seba şarê xo çi bedêl hewce bikero ma do bidê. Pêkerdiş qadanê ma yê xebatî hîna hîra keno û seba öa îmkananê hîrayan awan keno. Ma nê esasan ser o pêkerdişî erjnenê.”
Rojnameyî surmanşetî de zî bi munasebetê serrgêra çapkerdişê Rojnameyê Kurdîstanî û Roja Rojnamegerîya Kurdkî ca da nuşteyê nuştox Mehmet Şahînî ya Kirmanckî.
Rîpelê cinî de Bêrîtan Behram Xalid bi sernameyî ‘Terorîstên duh, rêveberên îro’ bale ant nêzdîbîyayîşanê HTŞ’yî yê vera komel û cinîyan.
Nuştox Felemez Ulug zî nuşteyê xo yê rîpelê 6î de bale anceno konferanso ke Roma de bi beşadarbîyayîşê 360 kesan ameyo kerdene û vano no konferans dîyar keno ke êdî Rayberê Şarê Kurdî Abdullah Ocalan bîyo rojevêko dinyayî.
Hûmara nê hewteyî ya rojnameyî de derheqê xeylê babetanê cîyayan de nuşte û analîzî est ê. Reyna rîpelo 12. de bi munasebetê serrgêra qirkerdişê armenîyan meqaleyêk ameya amadekerdene.
