Pêvînayîşê Heyetê Îmraliyî û Serekkomar Erdogan saetêk û 25 deqîqa domya. Peynîya pêvînayîşî zî Heyetê Îmraliyî ra Sirri Sureyya Onder va ke hêvîya înan hîna bi zêdîyeya û Pervîn Buldan zî destnîşan kerd ke pêvajo weş aver şona.
Vengdayîşê tarîxî yê Rayberê Şarê Kurdî Abdullah Ocalanî ra pey, Endamê Heyetê Îmraliyî ke mîyan ci de Pervîn Buldan û Sirri Sureyya Onder ca gêno, Serekkomar û Serekê AKP’î Erdogan reyde Kullîyeya Serekkomarî de pêvînayîşêk viraşt, demê pêvînayîşî de zî Hetkarê Serekî yê AKP’î Efkan Ala û Serekê MÎT’î Îbrahîm Kalin zî ca girewtê. Pêvînayîş saetêk û 25 deqîqa domya. Heyetê Îmraliyî ra Sirri Sureyya Onder pêvînayîş ser o va ke pêvînayîş zaf bi pozîtîf vîyarto, hêvîya înan hîna bi zêdîyeya û wina va: “Na babete de Birêz Serekkomar cayêko bi avzel ca gêno. Armancê ma înşakerdişê aştî yo.”
Hewna Pervîn Buldane dîyar kerd ke pêvînayîş zaf bi weş vîyarto û pêvajo weş aver şona.
