Meclîsê Ciwananê DEM Partîye ke bi wesîleya 76. rojbîyayîşê Rayberê Şarê Kurdî Abdullah Ocalanî Amed de ver bi Amarayî şîyî, bi coş, slogan û tilîliyan resayî Curnê Reş.
Rayîrşîyayîşê Meclisê Ciwananê Partîya Têduştî û Demokrasî (DEM Partî) ê Amedî ver bi qezaya Amara ya qezaya Xelfetiya Rihayî de bi wesîleya 76ine rojbîyayîşê Rayberê Şarê Kurdî Abdullah Ocalanî roja xo ya 2yîne de dewam keno. Rayîrşîyayîşo ke qezaya Sêwreg/Grê Sorî ya Rihayî dest pêkerd, ewro resa Curnê Reş.
Bername serê sibayî bi serdayîşê goristanî dest pêkerd. Girseyo ke mîyan de parlementerê DEM Partî Zekî Îrmez û Onur Duşûnmez zî estbî, ewil şîyî serdayîşê goristanê bêkesan. Badê Mahmut Zengîno ke 4 kesê ke 18ê gulana 1982ine de Tîpê Eyê Amedî netîceya çalakîya fedaî de dinyaya xo bedelnabî gorê o ser ame yadkerdiş. Tîya badê deqeyêk rêzgirewtişî serê nameyê Meclîsê Ciwananê DEM Partîye Muhsîn Aydogdu qisey kerd û va, “Ciwanê welatparwerî do taqîbkerdoxê rayîrê ey û hemrayanê xo bê.”
Girseyo ke mîyan de Parlamentera DEM Partîya Mêrdînî Bêrîtan Guneş zî estbî, Sêwreg de heta Curnê Rêş rayîr ra şîyî. Sloganê, “Bê Serok jiyan nabe”, “Bijî Serok Apo”, “Silav silav ji Îmraliyê re hezar silav”, “Rojbuna te pîroz be ey Serok”, “Jin jiyan azadî” ameyî berzkerdiş û tilîlî ameyî berz kerdiş.
Yeno hêvîkerdiş ciwanî tîya bi girseyî bêrê pêşwazîkerdiş.
