Ciwanê ke seba rojbîyayîşê Rayberê Şarê Kurd Abdullah Ocalanî Amedî ra ver bi Amara şonê înan vat: “Ma seba komela azad û azadîya Rayber Apoyî şinê.”
Meclîsê Ciwanan ê DEM Partî bi wesîleya rojbîyayîşê 76inî yê Rayberê Şarê Kurdî Abdullah Ocalanî bi şîarê “Ma bi Komelê Demokratîkî ver bi Amara şinê.”
Seba 4’e Nîsane roja rojbîyayena Rayberê Şarê Kurdî Abdullah Ocalanî her cayê Kurdistanî û Tirkîye de xêlî şayîyî yênê kerdene. Şarê kurdî sergêra rojbîyayena Rayberê Şarê Kurd Abdullah Ocalanî ya 76. Pîroz kenê û azadîya yî a fîzîkîye vazenê.
Meclîsê Cîwanan ê DEM Partîye bi şîarê “Ma bi Komelê Demokratîkî ver bi Amara şinê.” di rojîyo verba Amara rayraşîyayîş kenê. Endamê Meclîsê Cîwanan ê DEM Partîye 1ê Nîsane de her hêlê Kurdistanî ra ameyî Meydanê Şêx Saîd Amed de kom bî û dest bi rayîrşîyayîşî kerd. Ciwanê ke seba rojbîyayîşê Rayberê Şarê Kurd Abdullah Ocalanî Amedî ra ver bi Amara şonê înan ajansa ma (AW) rê qesî kerd.
Rayîrşîyayîş seba azadîya Rayberê Şarê Kurdî yo
Rayîrşîyox Îbrahîm Dalaro ke 2 rojîyo rayîra şono, da zanitene ke seba na çalekîye Wan ra amo û wina vat: “Ez endamê Meclîsê Cîwanan ê DEM Partîye ya. Ez seba azadîya Rayberê Şarê Kurdî tewrê nê rayîrşîyayîşî bîya. Ma seba azadîya fîzîkî yê Rayberê Şarê Kurdî Abdullah Ocalan rayera şonîme. Ez verê veran roşanê Rayberê Şarê Kurdî Abdullah Ocalanî pîroz kena.
Ma Amed de kom bî û verba Amara şonîme. No rayîrşîyayîş seba ma zaf mihum o. Her hêlê Kurdistanî de xortî ameyî Amed de kom bî. Ma zaf kêfweşîme ke ma verba Amara şonîme. Bîyayena Rayberê Şarê Kurdî pîroz kenê. Ma bawerê ke ma serkewte bibime.”
Rayraşîyayîşe ma seba azadîya Rayber Ocalanî ya fîzîkîya
Ciwanan ra Ahmet Pog zî dîyar kerd ke seba azadîya Rayberê Şarê Kurdî Abdullah Ocalanî her tim mîyanê kar û xebatî de ro û wina vat: Ma zî Êlih ra ameyîme û tewrê rayîrşîyayîşî bîme. Ma zaf bi kelecanî me. Ma verba Amara şonîme. Seba Azadîya Rayberê Şarê Kurdî Abdullah Ocalanî rayera şonîme. Xêlî ciwanî xêlî bajaranê Kurdistanî ra ameyîme tewrê nê rayîrşîyayîşî bîme. No meşê ma meşê azadîye yo. Ganî dewleta tirke rast nêzdîyê vengdayîşê Birêz Abdullah Ocalanî bo. Azadîya Rayber Ocalanî tesîrê xo serê şaranê cîhanî kena. Heta ke Rayberê Şarê Kurdî Abdullah Ocalan azad nêbo ma çalekîyanê xo ramenîme û nêvindenîme.”
