Partîya Yewîya Demokratîke ya Kurdan a Sûrîye û Partîya Demokratîke ya Ameyoxe ya Kurdan a Sûrîye, îlan kerd ke ê piştî danê peymana ke mabênê Îdareyê Xoser û hukmatê Şamî yê demdemî de ameya îmzakerdene.
Partîya Demokratîke ya Ameyoxe ya Kurdan a Sûrîye û Partîya Yewîya Demokratîke ya Kurdan a Sûrîye piştî da peymana ke mabênê Fermandarê Pêroyî yê Hêzanê Sûrîye yê Demokratîkan (QSD) Mazlûm Ebdî û serokê cumhurê hukmê Şamî yê Demdemî Ehmed El Şara de 10ê Adare de Şam de ameya îmzekerdene.
Beyanatê hemparî de ke hetê her di partîyan ra derheqê peymane de ame kerdene, ame qeydkerdene ke na peymane ke hetê zaf têdîyayîş û muzakereyan ra pey ameya viraştene, eynî wext de hetê heme Sûrîyeyijan ra ameya îmzekerdene.
Beyanato ke da vîrardene ke peymane de madeyê zaf muhîmî est ê, ame teqezkerdene ke ganî vera heme erdanê Sûrîye hêrîşî bêrê vindarnayîş, vatişê kîn û mezhepçîtî bêro vernîgirewtene, koçberî bi hawayêko emnîyetin agêrê erdanê xo, û ame teqezkerdene ke Kurdî parçeyê Sûrîye yê eslî yê.
Beyanato ke ame teqezkerdene ke sey Partîya Demokratîke ya Ameyoxe ya Kurdan a Sûrîye û Partîya Yewîya Demokratîke ya Kurdan a Sûrîye, peymane û tedeyîyê aye bi hawayêko pêroyî piştî danê ci, teber ra, heme hêz û sazgehê neteweyî yê Sûrîye ra ameyo waştene ke ê bi bawerî cehd bikê ke Sûrîyeya newîye bi hewayêko zelal bêra awankerdene.
