Pawitişanê Ocalanî de elewîyîye teyna sey bawerîya dînî nê, eynî wext de sey tevgerê sîyasî û sosyalî yena nirxnayene.
Abdullah Ocalanî pawitiş û nuşteyanê xo de elewîyîye, zafêrî kontekstê tarîx, kultur û nasnameyê kurdîye de girewta xo dest. Bi taybetî, teorîyanê “Konfederalîzmo Demokratîk” û “Neteweya Demokratîke“ de elewîyîye leteyê tewiranê kultur û dînî yê komelê kurdî de vîneno.
Goreyê xebera ANF’î Ocalan, elewîyîye sey unsurê girîngî yê nasnameyê kultur û tarîxê yê kurdan nirxneno. Reyna Ocalan pawitişanê xo de elewîyan Rojhelato Mîyanên de vera awanîyanê rejîma tehdekar û otorîteran sey yew tradîsyonê xoverdayîşî vîneno. Erjayayanê bawerîya elewîyanê ê teduştî, edalet û azadîwaştoxîye, îdelojîyê xo yê sîyasî reyde ahengdar vîneno û ano ziwan ke nê erjayî seba awankerdişê komelê demokratîkî rolêko muhîm do kaybikerê.
Pawitişanê Ocalanî de elewîyîye teyna sey bawerîya dînî nê, eynî wext de sey tevgerê sîyasî û sosyalî yena nirxnayene. Seba elewîyîye tespîtêko wina keno; “Elewîyîye, sozyalîzmê muslumanî yo.” Ocalan teda û zulmo tarîxî yo ke cematê elewîyan merûzê ci mendê, awanîyanê dewlete yê tehdekarê ke têkoşînê kurdî vera ci têkoşîn keno de parelel vîneno. Nê semedî ra, têkoşîn û nasnameyê elewîyan, otonomîya demokratîke û waştişê azadî yê ke Ocalan pawena reyde kewtê têzere.
Xora ma ke têkoşînê PKK’î de nîyabidê, vînenê ke sazkerdoxanê PKK’î ra çend kesî elewî yê û heta nika bi hezaran xort û ezebê kurdanê elewîyan têkoşînê kurdan de ca girewto û şehîd bîyî. Yanî PKK roja verî ra probleman elewîyan reyde eleqedar bîyo.
Hetê bînî ra, têkoşînê PKK’î teyna seba kurdan nîyo, seba heme komelanê Rojhelato Mîyanênî yo. Yanî paradîgmaya Abdullah Ocalanî teyna seba kurdan nê, tirkan, ereban, farsan; êzîdî, elewî, musluman, xirîstîyan ûsn. a.
Bi kilmî; Abdullah Ocalan bi paradigmaya (konfederalîz) xo seba heme şaranê dinya sîstemo newe awan keno, yanî sosyalîzmê seserre yê vîst û yewî awan keno. Na pardîgma de bi taybetî cinî û xoza û demokrasî, bingeyê ci de cayêko zaf mûhîm gênê.
