Salih Muslimî vat: ”Eke dewleta tirke semedê demokratîkbîyayîşî game bierzo, hewcedarîya çeken nêmanena. Rayber Apoyî berê sîyasetê demokratîkî akerd û ganî nika dewleta tirke game bierzo.”
Endamê Konseya Hemserekîye yê Partîya Yewîya Demokratîke (PYD) Salih Muslimî ke badê vengdayîşê tarîxîyî yê Raybere PKK’î yê 27ê sibate ANF’î rê qisey kerd û vat sebe ke gama tarîxîya ke ameye eştene bêro averberdene ganî azadîya fîzîkîye ya Rayberê PKK’î bêro caardene. Muslimî vat: ”Vengdayîşo tarîxî kerd hinî ganî dewleta tirke game bierzo.”
Muslimî vat Rayberê PKK’î berê sîyasetê demokratîkî akerd û wina dewam kerd: ”Ewro ra tepîya ganî Tirkîya game bierzo. Seba ke vengdayîşê Rayber Apoyî bêro caardene ganî o bieşko bi PKK’yî dir qisey bikero û Tirkîya zî nîyetê xo bewlî bikero. Rayber Apo eşkera vano qey dest pê têkoşînê çekdarî kerdo. Dewlete ganî gamanê demokratîkan bierzo. Meseleya kurdan hinî warê mîyanneteweyîyî de yena munaqeşekerdene û bîya meseleyêka mîyanneteweyî. Şarê kurdî hinî eşkeno têkoşînê sîyasî û dîplomasî rayra bêro.”
Salih Muslimî vist vîrî ke dewleta tirke çar parçeyanê Kurdistanî de dişmenîya kurdan kena û nê vatî: ”Eke ewro Sûrîye de çareserî nêbena, Iraq û Îran mîyanê kaos û krîz de yê berpirsîyarê nê dewleta tirke ya. Çunke dewleta tirke nêwezanê kurdî biresê heqanê xo. Coka eke Tirkîya de çîyêk bibedilîyo no tesîrê parçeyanê bînan ê Kurdistanî zî keno. Coka Rayberîye gama ke qerar geno fîkrê her kesî perseno. Fîkrê PDK, YNK û partîyanê bînan girewtî. Vano meseleya kurdan bi têkoşînê sîyasî û komelkî eşkena bêra çarserkerdene. Nê semedî ra berê çareserîyêka sîyasîye akerd. Na gamêka zaf bimbarek a. Averşîyayîşê na game merdimî şa kena. Bi averşîyayîşê nê prosesî Sûrîye de zî çareserî bena.”
Muslimî wina dewam kerd: ”Xora PKKyî verî zî vatbi heta ke şertê azadîye yê Rayber Apoyî merê caardene ê do kongre mekerê. Nê semedî ra ganî şertê Rayber Apoyî lazabez bibedilîyê. Ganî Rayber Apo Îmraliyî ra vejîyo û bibo azad ke dewamê gama ci ya tarîxî bêro. Rayber Apoyî vengdayîşo tarîxî kerd. Nika dora Tirkîya ya. Rayber Apoyî berê sîyasetê demokratîkî akerd û ganî nika dewleta tirke game bierzo. Nê gamî eşkenê bi vengkerdişê zîndanan, qedînayîşê qeyûman bêrê destpêkerdene. Ganî gamî pîya bêrê eştene. Dewleta tirk ganî adirbirnayîş îlan bikero. Eke hêrişî dewam bikerî PKK senî çeke nano ro? No tewirê Tirkîya tewirê teslîmgirewtişî yo. Gerîla û şarê kurdî teslîmîyet qebul nêkenê. Eke dewleta tirke wazena çekî bêrê ronayene ganî goş bidê vengdayîşê tarîxî yê Rayber Apoyî. Gerîlayî hêriş nêkenê erd û şarê xo pawenê. Coka ganî dewleta tirke adirbirnayîş bikero.”
Salih Muslimî qiseykerdişê xo bi nê vengdayîşî qedîna: ”Çareserîya meseleya kurdan kewt merhaleyêka newî. Nê prosesî de wezîfeyê û berpirsîyarîya her kesî est a. Sere de şarê kurdî şarî ganî wezîfe û berpirsîyarîya xo bîyarê ca. Ma prosesê hesas de yê, barê ma giran o. Gamê ke ameyî eştene muhîm ê û ma hêvîdar ê.”
