Endamê Heyetê DEM Partîye sîyasemetmedar Ahmet Turk mesajê Rayberê PKK’î Abdullah Ocalan kurmancî wend û va ke seserra diyine ya Komare tena demo ke bi demokrasîye bêra tacîdarkerdiş eşkena biba wayîrê yewîye û verdewamîyêko mayînde.
Vengdayîşo tarîxî yo Rayberê PKK’î Abdullah Ocalan ame wendene. Vengdayîşê Rayberê PKKî Abdullah Ocalan wina yo:
“Vengê Aştî û Komerêka Demokratîk
PKK; seserra 20. de, seserra tewro tund o tarîxî de awan bî. Zemîno ke PKK têdeyî de ame awankerdene zemînê di şerê dinya, reel-sosyalîzm û demê şerê serdî yê dinya de bî. No zemîn de înkarkerdişê raştîya kurdan, qedexekerdişê azadîyan, bi xususî zî qedexekerdişê azadîya ramanî werte de bî.
Warê teorî, bername, stratejî û taktîkan de bandorê raştîya pergalê reel-sosyalîstî yê seserre de ser no awanbîyayişî virazîyayo. Serrê 90î de, seba semedê mîyanxoyî rijyayişê reel-sosyalîzmî, şikyayîşê înkarê nasnameyî welat de û averşîyayîşê azadîya ramanî bî semed ke PKK manayê xo zaf dibare bikero. No ser zî ameyo peynîya xo û lazimo bi fesîhkerdişê ci est o.
Têkilîya kurd û tirkan, tarîxê zafêrî de hezar serran de tirkan û kurdan seba bîyayîşê xo didomnê û verba hêzê hegemonîkî de ser pîyan bimano, her tim lazimo pê dîyîşo ke bi zerrîdarî mîyanê tifaqakî de bimanê.
Seserra peynî ya modernetîya kapîtalîstî de, şikyayîşê nê tifaqî de xo ra kerdo armanc. Hêzê ke bandor înan bîyo, bingeyê xo yê çînî, xizmetê na yewe esas girewtê. Na pêvajo bi şîroveyê yewrengî yê Komara lezgine bîyo. Erka sereke no yo ke têkilîya tarîxî ya ewro şikyaya, bi rûhê birayîya û yewîya, heme ma bawerîyan zî peygoş nêkenê, do newe ra birêxistin bikerê.
Lazimîya komelê demokratîke jêneger a. PKK, tarîxê Komare de têgêrayîşê serehawanayîş û şîdetî ya tewro derg û hera yo. No ser rayîrê sîyasetê demokratîke girewte bî, PKK bi hêz bî û destek girewt.
Netew-dewletê cîya, federasyon, xoserîya îdarî û çareserîyê kulturalîst ke netîceyê lazimeya netewperestîya tund ê, nêeşkenê sosyolojîya komelo tarîxî ra bibê cewab.
Rêzgirewtişê nasnameyan, azadîya ramanî, rêxistinbîyayîşê demokratîke, awankerdişê komelî-aborî û sîyasî heme pêrabesteyan, tena bi bîyayîşê komel û warê sîyasî ya demokratîke mumkun o.
Seserra diyine a Komare tena demo ke bi demokrasîya bêro tacîdarkerdişî eşkeno bibo wayîrê yewîye û verdewamîyêko mayînde, demokrasîya pê ti rayîrêko gêrayîşê pergalan û pêkanîna înan çin o û nê mumkun o. Pêameyîşê demokratîk rêbazê bingeyîn o.
Wa ziwanê semedê aştî û komelê demokratîke zî goreyê ci raştîye bêro averberdiş.
Vengo ke Birêz Devlet Bahçelî kerd, îradeya ke Birêz Serekkomar nîşan û nêzdîbîyayîşê erênî yê partîyê bîn na pêvajo kerd û ez zî na pêvajo de vengê çekronayîşê kena û ez berpirsîyarîya tarîxî ya no vengê gêno ser xo.
Senî ke her komel û partîya hemdemke estbîyayîşê ci bi darî zorê nêameyo bipeynîkerdiş, şima zî bi zerrî kongreya xo bikom bikerê û biryaran bigêrê; wa heme kom çekê xo ronê û PKK xo fesîf bikero. Ez silamê xo heme kesan ra erşewana ke bawerîya cuyeya hembar kena û goş bidê vengdayîşê mi.
25ê Sibata 2025î Abdullah Ocalan”
‘Wa hetê huquqî bêro naskerdene’
Sirri Sureyya Onder peynîya beyanatî qise kerd û va ke Abdullah Ocalan heyetî ra wina vato: “Bêguman seba pratîk de çek bêro ronayîş û PKK xo fesîh bikero, wa hetê sîyaseto demokratîk û huquqî bêro naskerdene.”
