* Xwendekarên Beşa Hunerên Bedew a Zanîngeha Rojava derbarê hewldanên ku zanîngeha wan daxilî Zanîngeha Firatê bê kirin axivîn û diyar kirin ku zanîngeha wan xwedî taybetmendiyeke xweser e û ew ê dev ji perwerdehiya bi zimanê dayikê bernedin.
* Civaknas Doç. Dr. Muzaffer Kaya bi lêv kir ku aştî bi têkoşîna hevpar dikare civakî bibe û wiha got: “Ji bo komar bêtir demokratik bibe û hemû netew û bawerî tev li qanûnan bibin, Komara Demokratîk mexdûrên cuda cuda dikare bînê cem hev û têkoşîna wan hevpar bike. Ji bo wê jî komara demokratik dikare bibe dirûşma hevpar.”
* Zubeyda Geylanî di salvegera qetilkirina kurê xwe Abdulhaluk Geylanî de ku di 15ê Mijdara 2005an de di dema şermezarkirina bûyerên Şemzînanê yên li Geverê de ji aliyê hêzên polîsan ve hatibû kuştin, anî ziman ku 21 sal in kujerên kurê wî nehatine darizandin û banga edaletê kir.
* Endamê Tevgera Azadiya Kurdistanê Azîz Erkiliç di tevahiya jiyana xwe de aştiya gelan parast, di vê oxirê de berê xwe da nav gerîla û jiyana xwe bi daxwaza aştî û azadiyê hûnand. Dayika Azîz Gûlpinar Erkiliç behsa têkoşîn û jiyana lawê xwe kir û wiha got: “Wî zilm û neheqî qebûl nedikir, ji bo parastina zimanê xwe berê xwe da çiyê.”
* Nivîskar Mehmet Bûlût derbarê wêje û romana Kurdî de diyar kir ku romana Kurdî jî bi têkoşîna ku ev 50 sal in tê kirin ve girêdayî ye û got: “Têkoşîn û berxwedana 50 salên dawiyê di nav roman, wêje û zimanê Kurdî de hişmendiyek afirandiye.”
* Lûtkeya ku ji bo guherîna avhewayê COP31ê ku li Antalyayê hat li darxistin, bi holdîngên bûn sponsor ve balê kişand ser xwe. Holdîngên weke Cengîz, Lîmak, Koç, Sînpaş û hwd. ku bûne sponsorê COP31ê heta niha zirarên herî mêzin dane xwezayê.
* Parêzvanên ekolojiyê ên ku di çarçoveya Lûtkeya Avûhewayê ya Gelan de bi awayeke hevdem Lûtkeya Avhewayê ya Neteweyên Yekbûyî (COP31) re li Antalyayê tê lidarxistin daketin kolanan, meşek li dar xist û banga edaleta avhewayê kirin.
* Dengbêj Îsmaîl Seyranoglu bal kişand ser girîngiya mîrateya dengbêjiyê û got ku divê çanda dengbêjiyê neyê bişaftin, lê xwedî bê derketin.
* Hevserokê Giştî yê DEM Partiyê Tuncer Bakirhan dê di komcivîna partiya xwe de li Meclîsê biaxive. (12:45)
* Bi tevlîbûna malbatên girtiyên nexweş, rêveberên OHD, ÎHD, DEM Partî û gelek saziyan li ber Wezareta Dadê çalakiya nobeda bêdeng a bêdem û dorveger dê bê destpêkirin. (14:00)










